Mańǵystaý oblysy Polısııa departamenti Tabıǵatty qorǵaý polısııasy qyzmetkerleri 21 qazan 2019 jyly saǵat 18:00 shamasynda Aqtaý qalasy 32 shaǵyn aýdanynyń páterleriniń birinen jalpy salmaǵy 30,900 keli quraıtyn 12 dana bekire tuqymdas balyq taýyp, tárkiledi.
Sondaı-aq 21 qazan 2019 jyly saǵat 18:00 shamasynda dál osyndaı jaǵdaı Aqtaý qalasy 14 shaǵyn aýdany tas jolynda «Reno Daster» markaly avtokóligin toqtatyp, tekserý barysynda oryn alǵan. Atalǵan kóliktiń júksalǵyshynan jalpy salmaǵy 52,600 keli quraıtyn 18 dana bekire tuqymdas balyq tabylyp, tárkilenip alyndy.
Bul derekter boıynsha Qazaqstan Respýblıkasy Qylmystyq kodeksiniń 339-baby - ósimdikterdiń nemese janýarlardyń sırek kezdesetin jáne quryp ketý qaýpi tóngen, sondaı-aq paıdalanýǵa tyıym salynǵan túrlerimen, olardyń bólikterimen nemese derıvattarymen zańsyz aınalysý boıynsha qylmystyq is qozǵaldy.
Qazirgi tańda sotqa deıingi amaldary júrgizilýde.
Mańǵystaý oblysy