Avtoáýesqoılar jol qozǵalysynyń teorııasy boıynsha aldyn ala testileý emtıhanyn mamandandyrylǵan HQO-da tapsyra alady. Bul jaıynda Halyqqa qyzmet kórsetý ortalyǵy baspasóz qyzmeti habarlady.
Jyl basynan beri 1700-den asa mańǵystaýlyq osy múmkindikti paıdalanyp, jol qozǵalysy erejeleri boıynsha bilimin teksergen.
«Azamattarǵa arnalǵan úkimet» memlekettik korporasııasy Mańǵystaý oblysy boıynsha fılıalynyń dırektory Erbol Baıjigittiń aıtýynsha, endi azamattar emtıhan aldynda ózderiniń bilimin mamandandyrylǵan halyqqa qyzmet kórsetý ortalyqtarynda teksere alady. Avto HQO-nyń praktıkalyq avtodromy aptanyń alty kúninde de jumys isteıdi.
Aıta ketetin jaǵdaı, úmitker birinshi ret júrgizýshi kýáligin alý úshin eki emtıhan tapsyrý qajet. Birinshisi – teorııalyq emtıhan, ol 40 suraqtan turady, al praktıkalyq emtıhandy avtodromda tapsyrady. Júrgizýshi kýáligin alýdy qalaıtyndar úshin 3 retke deıin emtıhan tapsyrýǵa múmkindik beriledi. Eger úsheýinen de sátsiz ótse, kelesi emtıhandy tek alty aıdan keıin tapsyrýǵa bolady. Sondaı-aq búginde júrgizýshi kýáligin alǵash alatyndardan avtomektepte oqyǵany týraly kýálik talap etilmeıdi.
Jyldyń basynan beri 1700-den asa mańǵystaýlyqtar avtomattandyrylǵan avtodromda avtokólik júrgizý qyzmetterin paıdalanǵan. Sonymen qatar jyl basynan beri 16 myńnan astam júrgizýshige júrgizýshi kýáligi berilip, 86 myńǵa jýyq avtokólik tirkeldi.