Táńir tabaldyryǵy
Ol uıattan órtenip ketti...
Arsyz áıel táńir tabaldyryǵynan asa almady. Ol bárin de kórip tur. Úsh sábıi men kúıeýi kári apasymen qosylyp, máre-sáre kúıde qalyqtap ushyp bara jatqandaı. Olar bıikteı berdi. Al, ol bolsa barǵan saıyn tómendep, shógip barady. Kenet ókingeni sonshalyq adam aıtqysyz qorlanǵan túrde jalǵyzdyqtan sheksiz qusalandy da, búk túsip otyryp qaldy. Tas bolǵan júregine uıat shoǵy túsip, bara-bara búkil bolmysy laýlaǵan otqa aınalyp ketti.
Ony órtegen uıat, ókinish, namys edi.
Ornynda qalǵan bir ýys kúli tozań bolyp, qoıý tútindi qarańǵylyqqa sińdi de, artynda esh iz qaldyrmastan ǵaıyp boldy. Sol mezet bıikten bir daýys ún qatty. Bul jerde uıat árqashan bıikte turyp ún qatady eken aý! «Adamdar», -dedi ol daýys. «Bul dúnıe de uıattan órtengileriń kelmese, ótken ómirlerińde uıatsyzdyqtyń shoǵyn úrlemeńder», daýys úzdiksiz qaıtalandy. Biraq, bul sát qarańǵylyqta úıilgen kúlder taý-taý bolyp qalǵan bolatyn. Siz she, Táńir tabaldyryǵyna daıarsyz ba?
Erturan JUMAQANULY