Oblys ortalyǵynyń turǵyndary negizinen Petropavl nan-toqash kombınatynyń ónimderin paıdalanady.
Kásiporynda kúnine orta eseppen jıyrma tonnadan astam nan, nan-toqash, kondıter ónimderi daıyndalyp, óz ıeligindegi 24 dúkenge, sonymen qatar júzdegen saýda núktelerine jóneltiledi.
О́zge óńirlerde «as atasynyń» qymbattaǵany baıqalsa, oblys ákimi Qumar Aqsaqalov «áleýmettik» nan baǵasynyń ózgerissiz qalatynyn málimdedi.
«О́ńirde bıyl jınalǵan astyqtyń shyǵymy jaman emes. Memleket Basshysy Qasym-Jomart Toqaevtyń «áleýmettik» nan baǵasynyń kóterilýine baılanysty shuǵyl sharalar qabyldaý týraly tapsyrmasyna oraı qoljetimdiliktiń barlyq múmkindikteri qarastyrylǵan. Saqtandyrý qorynda úsh myń tonnǵa jýyq un bar. Bul baǵanyń birqalypty ustalýyn qamtamasyz etedi», dedi Qumar Irgebaıuly.
Petropavl qalasynyń turǵyndaryn «as atasymen» qamtamasyz etý úshin naýbaıhanalarǵa aıyna 900 tonna un qajet. Nan baǵasyn turaqtandyrý úshin unnyń 300 tonnasy áleýmettik nandy pisirýge bólinedi. Sonymen qatar dıirmeni bar nan-toqash kásiporyndaryna tómendetilgen baǵamen bıdaı jetkizilýde. Bul da áleýmettik nan baǵasyn 61 teńge kóleminde saqtaýǵa múmkindik beredi.
Oblys ákiminiń birinshi orynbasary Marat Tasmaǵanbetov áleýmettik nan oblys ortalyǵynda 450 azyq-túlik saýda oryndarynda satylatynyn jetkizdi.
Soltústik Qazaqstan oblysy