Robototehnıka quraldarymen jabdyqtaý baǵytynda, bıylǵy oqý jylyna «Teńizshevroıl», «Ersaı» kompanııalarynyń demeýshiligimen jáne bıýdjet qarjysy esebinen aýdannyń 7 mektebine robototehnıka quraldary satyp alyndy. Bul týraly óńirlik kommýnıkasııalar qyzmeti alańynda ótken brıfıngte aýdan ákimi Q.Bekov málimdedi.
Sondaı-aq, aýyl turǵyndary mobıldi medısınamen qamtamasyz etildi. Egov.kz saıty arqyly jáne «DamýMed» mobıldik qosymshasy arqyly emhanaǵa tirkelý, dáriger qabyldaýyna jazylý, úıge shaqyrý qyzmetterin turǵyndar úıinde otyryp paıdalanýǵa múmkindik jasaldy. Aýdan ákiminiń aıtýynsha, búgingi kúni 848 adam egov.kz qyzmetin, 6187 adam «DamýMed» mobıldik qosymshasy paıdalanýda, eresek turǵyndardyń úlesi 69 paıyzdy qurap otyr.