Qaraqııa aýdany halqynyń sany 2019 jylǵy 1-qyrkúıektegi jaǵdaı boıynsha 38 myń, ıaǵnı 101,3 paıyzdy qurady.
Aýdan ákimi Q.Bekovtiń aıtýy boıynsha, ónerkásip ónimderiniń (úı sharýashylyǵy sektoryn esepke alǵandaǵy)aýqymy 2019 jyly qańtar-qyrkúıek aılaryna 827,2 mlrd teńgeni quraǵan. О́tken jyldyń sáıkes kezeńimen salystyrǵanda 37 mlrd teńgege artty. О́nerkásiptik óndiristiń ındeksi – 99,3 paıyzdy qurap otyr. Aýdannyń atalǵan kórsetkishi oblystaǵy ónerkásip ónimderi aýqymynyń 37,9 paıyzdyq úlesin quraıdy.
Sondaı-aq negizgi kapıtalǵa salynǵan ınvestısııalar kólemi 2019 jyldyń qańtar-qyrkúıek aılaryna 114 mlrd teńge qurady. Bul kórsetkish 2018 jyldyń osy kezeńimen salystyrǵanda 2 mlrd teńgege tómen bolyp otyr.
Qurylys jumystarynyń kólemi 2019 jyldyń qańtar-qyrkúıek aılarynda 26,7 mlrd teńgeni qurap, naqty ındeks kólemi 52,1 paıyzdy qurady. Atalǵan kórsetkish 2018 jyldyń osy kezeńimen salystyrǵanda 22 mlrd teńgege tómen bolyp otyr ótken jylǵy qurylys jumystarynyń kólemi 49,6 mlrd teńge. Turǵyn úılerdi qoldanysqa engizý boıynsha 2019 jyldyń 9 aıynda 45,2 myń sharshy metr paıdalanýǵa berilip, kórsetkish 120,8 %-ti qurasa, aýdan bıýdjeti 2019 jylǵa 13 mlrd 353 mln teńgege naqtylanyp,qańtar-qyrkúıek aılarynda ıgerilýi josparlanǵan 9 mlrd 604 mln teńge 100% ıgerildi.
Jergilikti bıýdjetke túsken salyqtyq jáne salyqtyq emes túsimder – 7 mlrd 825 mln teńge nemese 101,5% qurady, ótken jylmen salystyrǵanda 1 mlrd 325 mln teńgege artty.
Aýyl sharýashylyq óniminiń kólemi boıynsha 2019 jyldyń 9 aıynda 2044,2 mln teńgeni qurap, byltyrǵy jyldyń sáıkes kezeńimen salystyrǵandy 100,1 paıyzdy qurady.
Búgingi kúni aýdan boıynsha 485 sharýa qojalyǵy tirkelgen, onyń 41 egin sharýashylyǵy.