Qazaqstandyq kásipqoı boksshy Qanat Islam namıbııalyq Ýolter Kaýtondokvamen jekpe-jekke shyqty.
Qanat Islam jáne namıbııalyq Ýolter Kaýtondokva arasyndaǵy jekpe-jek Almaty qalasyndaǵy Balýan Sholaq atyndaǵy sport saraıynda ótti. Jekpe-jek on raýndqa sozyldy. Ár raýnd tartysqa toly boldy.
Qanat Islam besinshi raýndty sátti ótkizdi. Qarsylasyna birneshe qaýipti soqqy jumsap, nátıjesinde namıbııalyq Ýolter Kaýtondokvany nokaýtpen sulatyp túsirdi.
Dese de namıbııalyq boksshy kóp uzamaı es jıyp, jarysty jalǵastyrýǵa múmkindik aldy. Odan keıingi raýndtarda afrıkalyq boksshy Qanat Islamǵa laıyqty qarsylyq kórsetti.
On raýndqa sozylǵan jekpe-jekte tóreshiler sheshimimen Qanat Islam jeńiske jetti.
Aıta keteıik, Qanat Islam osymen 27 jekpe-jeginde qarsylasynan basym túsip otyr. Ol WBO (Búkilálemdik boks uıymy) belbeýine qol jetkizdi.