Senbi kúni kúlli qazaq jurtynyń nazaryn aýdarǵan aıtýly oqıǵanyń biri Almatydaǵy Balýan Sholaq atyndaǵy sport saraıynda ótken otandasymyz Qanat Islam men namıbııalyq Ýolter Kaýtondovtyń jekpe-jegi. Tartysty básekede jeńiske jetip, el dańqyn asqaqtatqan altyn judyryqty jerlesimizdi Almaty qalasynyń ákimi Baqytjan Saǵyntaev óziniń Instagram paraqshasynda quttyqtady.
«Qanat birinshi orta salmaqtaǵy WBO International belbeýi úshin namıbııalyq boksshy Ýolter Kaýtondokvamen judyryqtasty. Ońaıǵa soqpaǵan 10 raýndtyq jekpe-jek pen jankúıerlerdiń tolqynysy. Biraq Qanat jeńiske degen jiger men qaıtpas qaısar minezin kórsete bildi. 27 - jeńis qutty bolsyn, Chempıon!», - dep jazdy qala ákimi óz paraqshasynda.