Jýyrda «Birinshi arnanyń» efırinen Máskeý memlekettik halyqaralyq qatynastar ýnıversıtetiniń 75 jyldyǵyna arnalǵan «MGIMO na vseh ıazykah mıra» atty derekti fılm kórsetildi. Bul týraly Prezıdenttiń baspasóz hatshysy Berik Ýálı óziniń Facebook paraqshasynda jazdy.
Fılmniń túsirýshileri osy biregeı joǵary oqý ornynyń kóptegen ataqty túlekterimen kezdesken.
Olardyń ishinde Memleket basshysy Qasym-Jomart Kemeluly Toqaev ta bar. Qazaqstan Prezıdenti atalǵan joǵary oqý ornyna qalaı oqýǵa túskenin, Máskeý memlekettik halyqaralyq qatynastar ýnıversıtetinde alǵan bilimi óziniń ómirinde qandaı ról atqarǵanyn aıtty.
Memleket basshysynan bólek osy oqý ornynyń belgili túlekteri – Ázerbaıjan Prezıdenti Ilham Alıev, Eýropadaǵy qaýipsizdik jáne yntymaqtastyq uıymynyń tóraǵasy Mıroslav Laıchak, RF Syrtqy ister mınıstri Sergeı Lavrov jáne basqa da iri saıasatkerler men bıznesmender ózderiniń stýdent kezderindegi estelikterimen bólisti.