Nursultan Nazarbaevtyń atyna táýelsizdiktiń qurdasy Raýan Esenqannan hat kelip tústi, dep habarlady Tuńǵysh Prezıdent – Elbasynyń baspasóz qyzmeti.
Shar qalasynyń turǵyny óz hatynda Elbasynyń táýelsizdikti nyǵaıtý jolynda júrgizgen saıasatyn qoldaıtyndyǵyn aıtyp, eldiń yntymaǵyn buzýǵa baǵyttalǵan kúshterdiń kóbeıip jatqanyna alańdaýshylyq bildirgen.
«Sońǵy kezderi el ishine iritki salýshylar kóbeıip ketti. Ol bizdi qatty ýaıymdatady. Halyqtyń shyrqyn buzyp, qaırap, úgittep, qylmysqa ıtermelep júr. Ańqaýlyq tanytyp keıbir qaýesetterge erip ketetinder bar. Bir sózińizde: «Qazaqqa jany ashıtyn eki adam bolsa, onyń biri men shyǵarmyn», degen edińiz. Sol esimde qalyp qoıypty», – dep jazady Shar qalasynyń turǵyny.
R.Esenqan hatynda Nursultan Nazarbaevtyń ıadrolyq qarýdan jarııa túrde bas tartýynyń tarıhı mańyzyna toqtalady. Sonymen qatar Qazaqstannyń Tuńǵysh Prezıdentiniń eldiń birligin arttyryp, memlekettiń tutastyǵyn qamtamasyz etý jolyndaǵy eren eńbegine alǵysyn bildiripti. Al elordanyń Saryarqa tórine qonys aýdarýy el yntymaǵyn odan ári bekemdeı túskenin aıtady.
«Qazaqstandaǵydaı ómir álemniń qansha halqyna arman shyǵar. Bir jerlerde ultshyldardan qysym kórse, bir jerlerde halyq isherge sý, jeýge nan taba almaı júr. Endi birtalaı el kúndiz kúlkiden, túnde uıqydan aıyrylyp, ústinen bombylanyp jatyr. Olardyń qasynda bizdiń eldiń jaǵdaıy jaqsy.
Latyn álipbıine aýysamyz degendi estigende qatty qýandym. Bul – táýelsizdiktiń núktesi. Rýhanı jańǵyrý degen osy. Keıbireýler barlyǵy bir kúnde bola qalsa deıdi, kútýge shydamy jetpeıdi. Biraq mundaı úlken sharýa az ýaqytta istelmeıdi, ret-retimen boı túzep kele jatyrmyz», – dep jazady táýelsizdiktiń qurdasy.
Sondaı-aq R.Esenqan Qazaqstandy álemge tanytýda EKSPO-2017 halyqaralyq kórmesiniń mańyzdy ról atqarǵandyǵyn atap ótken.
«EKSPO-ǵa keletin bolsaq, biz – jas memleketpiz. О́zimizdi saqtap qalý qamymen álem nazaryn aýdartý, bar ekenimizdi kórsetý. Neǵurlym kóp el tanyp, moıyndaıtyn bolsa, kómekshilerimiz de, qoldaýshylarymyz da kóbeımek. «Aqyryn júrip, anyq bas» dep Abaı atamyz aıtqandaı, ustanǵan jolyńyzdy qoldaımyz», – dep jazady Shar qalasynyń turǵyny.
Sóz sońynda ol Elbasyna amandyq, denine saýlyq tilegen.
О́z kezeginde Nursultan Nazarbaev hat avtoryna jyly lebizderi úshin rızashylyǵyn bildirdi.