Qaıta oqyǵannyń aıyby joq

Kýrstardaǵy oqý merzimi tań­dal­ǵan mamandyqtarǵa baıla­nys­t­y bir aı men jarty jyl ara­ly­ǵyn­da boldy. Stýdentterge stı­pen­dııa tólen­genin jáne qajet bol­ǵan jaǵ­daı­da jol júrý shy­ǵyn­­dary­nyń da ótelgenin aıta ket­­ken lázim.

Qaıta oqýǵa nıet bildirgender úshin myna aqparatty nazarda ustaǵan jón: Saran qalasynda arnaıy kýrstan Abaı Qunanbaev atyndaǵy gýmanıtarlyq-teh­nı­ka­lyq kolledjde, «Galex Plus» toqyma-tigin fabrıkasynda jáne «A.V.Group» JShS, «Asia Tex» JShS jáne «Nurkuat Energy» JShS sııaqty kásiporyndarynda ótýge bolady.

Qaıta oqyǵannyń aıyby joq­ty­ǵyn, kerisinshe paıdasynyń mol­dy­ǵyn dáleldegisi keletin tú­lektiń biri – Qarlyǵash Bal­ta­bekova. Shashtaraz óneri oqýy­na qosa «Bıznes Bastaý» baǵ­dar­la­ma­sy boıynsha kásipker­lik kýrsyn támamdaǵan jas maman aldaǵy ýaqytta óziniń sulý­lyq salonyn ashqysy keledi eken.

–Balalarǵa arnalǵan salon ashqym keledi. Analardyń meniń salonyma balalaryn alyp kelgenin armandaımyn. Olardy jyly shyraımen qarsy alyp, sapaly qyzmet kórsetsem degen maqsatym bar. Klıentterim salonymnan tek qana kóterińki kóńil kúıde qaıtsa eken dep tileımin. Adamdarmen jumys isteýdi jalyqpaı úırengim keledi. Sonan soń jumys barysynda ár adamnyń pikirin eskerý qajet dep sanaımyn. Aldaǵy ýaqytta oqýymdy jalǵastyrýdy oılas­tyryp júrmin. О́ıtkeni sán ındýstrııasy orasan zor jyl­dam­dyqpen damyp keledi. Bul sala­da­ǵy básekelestik óte zor, – deıdi ol.

Qysqa merzimdi kýrstardy uıym­­dastyrýshylar túlekterdiń ju­mysqa ornalasýyna da qol ushyn beredi. Mysaly, shashtaraz mamandyǵyn oqyǵan Ázıza Smaǵulova oblystaǵy Aqtas kentine jumysqa turatyn boldy.

–Sheberligimdi ári qa­raı je­til­dirý josparymda bar. Al­dy­­ma qoıǵan úlken maq­sat­ta­ryma jetý úshin kýrs­tar­da oqyp, semınar­larǵa qaty­syp, sheberlik sabaq­ta­rynda bilik­ti­li­gim­di kóter­gim keledi, – deıdi jas maman.

Saran qalasyndaǵydaı qaıta daıar­laý kýrstaryn Qaraǵandy obly­synyń barlyq qalalarynda uıym­dastyrý josparda bar. Al qandaı mamandyqty ıgerýge bolatynyn jáne oqýǵa túsýdiń tártibin jumyspen qamtý orta­lyq­ta­rynan anyqtap alýǵa bolady.

Aıta ketken jón, Saran qala­sy­ndaǵy qysqa merzimdi kýrstar nát­ıjeli jumyspen qamtýdy jáne jap­paı kásipkerlikti da­my­tý­dyń 2017-2021 jyldarǵa arnal­ǵan «Eńbek» baǵdarlamasy aıa­synda uıymdastyrylǵan.

Qaraǵandy oblysy