Keshe Nur-Sultanda aýyr atletıkadan KSRO-nyń jáne Qazaqstan Respýblıkasynyń eńbek sińirgen sport sheberi Anatolıı Hrapatyıdy eske túsirýge arnalǵan týrnırdiń shymyldyǵy túrildi.
A.Hrapatyı 1963 jyly Aqmola oblysynyń Atbasar qalasynda dúnıege keldi. 82,5 kılo, 90 kılo jáne 99 kılo salmaq dárejelerinde óner kórsetken ol 1988 jyly Seýl Olımpıadasynda bas júldeni oljalap, 1996 jyly Atlanta Olımpıadasynda kúmis medaldy ıelendi. 1985-1995 jyldar aralyǵynda álemniń bes dúrkin chempıony atanyp, taǵy eki márte qola júldeni enshiledi. Eýropa birinshiliginde bes ret top jaryp, Azııa oıyndarynda eki márte ekinshi orynǵa taban tiredi. Dúnıejúzilik rekordtardy da birneshe ret jańartty. Alaıda, ataqty sportshynyń ómiri kelte boldy – 2008 jyldyń 11 tamyzynda Aqmola oblysy aýmaǵyndaǵy Arshaly kenti mańynda jol apatyna ushyrap, qaza tapty. Ol nebári 45 jasta edi...
Anatolıı Hrapatyıdy eske túsirýge arnalǵan aıtýly jarys birneshe kúnge sozylyp, 3 qarashada óz máresine jetedi.