Býdapeshte ótip jatqan 23 jastaǵy balýandar arasyndaǵy álem chempıonatynda (U-23) Qazaqstannyń erkin kúres sheberleri ekinshi júldege qol jetkizdi.
125 kılo salmaq dárejesinde kúsh synasqan Iýsýp Batyrmurzaev alǵashqy aınalymda japonııalyq Taıkı Iаmomotodan (8:2) basym túsip, kelesi kezdesýde ırandyq Abbas Zareden (7:17) utyldy. Parsy balýany fınalǵa shyqqannan keıin jerlesimiz jubanysh básekesine qatysty. Bul básekede ol moldovalyq Samhan Jabyraılovty (14:4) aıqyn basymdyqpen utyp, úshinshi oryn úshin talasý múmkindigine ıe boldy. Sheshýshi synda grýzııalyq Sýrıko Ýrtashvılıdiń (13:2) tas-talqanyn shyǵarǵan Batyrmurzaev qola medaldi oljalady.
Esterińizge sala keteıik, osyǵan deıin aıtýly jarysta 57 kılo salmaq dárejesinde beldesken qazaqstandyq jas óren Adlan Asqarov álem chempıonatynyń kúmis medalin enshilegen bolatyn. Bastapqy básekelerdiń barlyǵyn jeńispen aıaqtaǵan ol jartylaı fınalda ırandyq Álıreza Sardakty súrindirdi. Aqtyq aıqasta otandasymyz Bostandyq aralynyń ókili Reınerı Endrıý Ortegamen kúsh synasty. Sheshýshi báseke kýbalyq balýannyń paıdasyna sheshilip, bizdiń Adlan osy jarystyń kúmis júldegeri atandy.
Búgin áıelder kúresinen beldesýler jalǵasady. Bizdiń qyzdar arasynan 55 kılo salmaqtaǵy Marına Sedneva qola medal úshin talasady. Sondaı-aq burymdylardyń 53, 57, 62, 65 jáne 72 kılo salmaq dárejelerindegi básekeleri bastalady.