Buǵan deıin habarlanǵandaı, Mańǵystaý oblysynda Nur-Sultan qalasynan kelgen medısına ǵylymdarynyń kandıdaty M. Qaınarbaevanyń kóshpeli sıkli ótýde. M.Qaınarbaeva aksııaǵa qatysýshylardy durys tamaqtaný aspektileri, tuz, qant jáne trans-maılardyń joǵary mólsheri bar tamaq ónimderin tutynýdyń zııany týraly, sondaı-aq halyq arasynda artyq salmaq pen semizdiktiń aldyn alý sharalary týraly habardar etti.
- Qazirgi ýaqytta adamzattyń damý úrdisi ónerkásiptik tamaqtanýdyń róli tek qana óse túsetindeı bolyp qalyptasady. Bul nýtrısıologııanyń aldyna tamaqtanýdy rasıonalızasııalaý, onyń túrli aýrýlardyń aldyn alý men emdeýdegi tıimdiligin arttyrý boıynsha mańyzdy mindet qoıady. Durys tamaqtanbaý ― salmaqtyń artyqshylyǵy men jetispeýshiligi sekildi kez kelgen jasta adam densaýlyǵyna eleýli zııan keltirýi múmkin. Bul fızıkalyq jáne aqyl-oı damý deńgeıiniń tómendeýinen, tez sharshaǵandyǵynan, qorshaǵan ortanyń qolaısyz faktorlarynyń áserine qarsylyq kórsete almaýynan, jumysqa qabilettiliktiń tómendeýinen, tipti erte qartaıýdan jáne ómir súrý uzaqtyǵynyń qysqarýynan bilinedi, dep atap ótti Maıgúl Qaınarbaeva.
Qazaq taǵamtaný akademııasynyń jetekshi mamany saýda ortalyǵynyń kelýshilerine artyq salmaq pen semizdiktiń, durys tamaqtanbaý sebebinen týyndaıtyn asqazan-ishek joldarynyń aýrýlarynyń aldyn alý týraly keńes berdi.
- Maǵan artyq salmaǵy bar kóptegen jas qyzdar men jigitter júgindi. Buǵan deıin tek eresek adamdar ǵana ushyraǵan aýrýlar jasaryp jatqany ókinishti, - dedi M.Qaınarbaeva.
Esterińizge sala keteıik, Qazaq taǵamtaný akademııasynyń jetekshi mamany «Salaýatty ómir saltyn qalyptastyrý mamandarynyń qaýymdastyǵy» ZTB men birlesip Mańǵystaý oblystyq densaýlyq saqtaý basqarmasynyń tapsyrmasy boıynsha uıymdastyrǵan semınar sıkli.