Qytaıdyń Shenchjen qalasynda ótip jatqan halyqaralyq týrnırde qazaqstandyq tennısshi Denıs Evseev shırek fınalǵa joldama aldy.
1/8 fınalda jerlesimiz reseılik Teımuraz Gabashvılımen kúsh synasty. 34 jastaǵy Máskeýdiń týmasy kezinde álemdik reıtıngte «TOP-50» oıynshynyń qataryna engen. Rolan Garrostyń tórtinshi aınalymyna shyǵyp, AQSh pen Avstralııanyń ashyq birinshilikteriniń úshinshi kezeńinde óner kórsetti. Dúnıejúzilik Ýnıversıadada kúmis medaldi ıelendi. Qazirgi kezde ol ATR tiziminde 288 oryndy qanaǵat tutýda.
Árıne, Denıs Evseev ondaı tabystarymen maqtana almaıdy. Desek te álemdik reıtıngte 311 orynda turǵan otandasymyz bul básekede tájirıbeli qarsylasyn 6:4, 5:7, 7:6 esebimen qapy qaldyrdy. Endi ol mysyrlyq Muhammed Safvatmen sheberlik baıqasady.