2022 jyly paıdalanýǵa beriletin «Atyraý-Astrahan» jolynyń qurylysynyń sapasy berik, qarqyny jaqsy. Bul týraly búgin Ortalyq kommýnıkasııalar qyzmetinde ótken brıfıngte Atyraý oblysynyń ákimi Nurlan Noǵaev aıtty.
«Reseı Federasııasy shekarasy - Atyraý» jolyn qalpyna keltirýge baǵyttalǵan jumystar josparǵa saı júzege asyp jatyr. Jalpy uzyndyǵy 277 shaqyrym bolatyn joldyń búgingi tańda, 60 shaqyrym bóligine jóndeý jumystary bastaldy. Jobalyq-smetalyq qujattamaǵa saı qurylys jumystary 2021 jyly aıaqtalýy tıis. Biraq, qurylys qarqyny jaqsy bolǵandyqtan, qurylysshylar erte bitirýi de múmkin, - dedi aımaq basshysy.
«Nurly jol» baǵdarlamasy aıasynda júzege asyrylyp jatqan eki baǵyttaǵy joldyń biri. Tolyqtaı paıdalanýǵa 2022 jyly beriledi dep josparlanyp otyr. Ekinshi baǵyt – Atyraý-Aqtóbe joly, onyń 27 shaqyrymy tóseldi, 88 shaqyrymy salynyp jatyr, qalǵan 40 shaqyrymynda daıyndyq jumystary júrýde.
Sonymen qatar, aımaqta kólik ınfraqurylymyn damytý boıynsha jol-qurylys jumystary júzege asýda. Jalpy uzyndyǵy - 165 km bolatyn 216 kóshe, 32 eldi mekende jol salý josparlanǵan. Oblys ortalyǵynda 4 basty kóshe keńeıtiledi, keńeıtý jobasy: jol tósemin kóbeıtý, jańa LED jaryqtandyrý ornatý, jaıaý júrginshiler jolyn, velo-jol salý jumystaryn qamtıdy. Keler jyly oblys ortalyǵynda 7 kósheni keńeıtý josparlanǵan. 45 km jańa jol salynady.
Búginde Atyraýda jáne qala mańyndaǵy eldi mekenderdegi sapaly jol úlesi – 85 %.