Qazaqstanda 2026 jylǵy 1 sáýirdegi jaǵdaı boıynsha astyq jáne burshaq daqyldarynyń qory 13,3 mıllıon tonna deńgeıinde qalyptasyp otyr, dep habarlaıdy Egemen.kz.
Ulttyq statıstıka bıýrosynyń málimetinshe, eldegi bıdaı qory 10,8 mıllıon tonna bolsa, onyń 9,2 mıllıon tonnasy – azyq-túlik bıdaıy. Sonymen qatar arpa – 1,4 mıllıon tonna, kúrish – 177 myń tonna, júgeri – 104 myń tonna, suly – 157 myń tonna, qaraqumyq – 53 myń tonna, tary – 19 myń tonnaǵa jýyq, al qara bıdaı kólemi shamamen 11 myń tonnany quraıdy.
О́ńirler bólinisinde astyqtyń eń iri qory Aqmola oblysynda – 4 mıllıon tonna. Odan keıin Qostanaı oblysy – 3,4 mıllıon tonna jáne Soltústik Qazaqstan oblysy – 3,3 mıllıon tonna kórsetkishpen ornalasqan.
Qazaqstan Tájikstanǵa bıdaı eksportyn 1,3 mıllıon tonnaǵa deıin arttyrmaq
Jyl basyndaǵy syrtqy saýda derekterine sáıkes, bıdaı eksporty 957 myń tonna bolsa, ımport 82 myń tonnany quraǵan. Arpa eksporty – 134 myń tonna, ımport – 7,5 myń tonna. Kúrish eksporty 11 myń tonna, júgeri – 16 myń tonna, suly – 250 tonna kóleminde tirkelgen.
Túrkistan oblysynda bıdaı óńdeıtin zaýyt iske qosyldy
Sarapshylardyń baǵalaýynsha, qor qurylymynda negizgi úlesti bıdaı alady jáne onyń basym bóligi eksportqa baǵyttalǵan azyq-túlik ónimi sanalady.
Nurbolat AMANBEK