AQSh-ta uıymdastyrylǵan áıgili Nıý-Iork marafony óz máresine jetti. 125 memleketten kelgen 50 myńnan asa jelaıaqtyń qatysýymen ótken jarysta Kenııa sportshylary jeńis toıyn toılady.
Erler arasynda Djeffrı Kamvoror Kıpasangqa teń keler eshkim tabylmady. 26 jastaǵy jartylaı marafonnan úsh dúrkin álem chempıony, krosstan dúnıejúzilik dodanyń jeńimpazy Nıý-Iorktegi jarysty 2 saǵat, 08 mınýt jáne 13 sekýndtyq kórsetkishpen qorytyndylady. Kıpsangtyń komandalyq áriptesi Albert Korır ekinshi oryndy ıelendi. 25 jastaǵy ataqty jelaıaqtyń nátıjesi – 2:08.36. Úshinshi oryndy Efıopııanyń maqtanyshy Gırma Bekele Gebre enshiledi. Onyń ýaqyty – 2:08.38.
Áıelder arasyndaǵy jarysta da Kenııanyń qara marjandary dara shyqty. Bas júldeni 2:22.38 sekýndtyq kórsetkishpen Djoısılın Djepkosgeı jeńip alsa, Merı Keıtanı (2:23.32) máre syzyǵyn ekinshi bolyp qıyp ótti. Úshinshi oryndy efıopııalyq Rýtı Aga (2:25:51) ıemdendi.