Qurlyqtyq hokkeı lıgasynda (QHL) kúsh synasyp júrgen Nur-Sultannyń «Barys» klýbynyń qataryna kúni keshe fınlıandııalyq qorǵaýshy Atte Ohtamaa qabyldandy.
31 jastaǵy Nıvala qalashyǵynyń týmasy 10 jylǵy jýyq ýaqyt óz eliniń «Kıarpıat» pen «Iokerıt» klýbtarynda oınady. 2016-2018 jyldar aralyǵynda Qazannyń «Aq Barsynda» óner kórsetti. Tatarstannyń komandasymen birge Gagarın kýbogyn oljalady. QHL-ba barlyǵy 264 ret muz aıdynyna shyǵyp, 48 (13 gol+35 pas) upaıdy enshiledi.
Bıylǵy maýsymdy Atte Ohtamaa Shveısarııanyń «Lýganosynda» ótkizdi. Boıy – 188 santımetr, salmaǵy – 92 kılo. Fınlıandııanyń ulttyq quramasy sapynda 2014 jáne 2016 jyldary álem birinshilikterinde kúmis medalin ıelense, 2019 jyly dúnıejúzi chempıony atandy. Mine, endi Sýomı eliniń ókili «Barystyń» jeıdesin kıdi.
Joǵarydaǵy jańalyqty qazaqstandyq jankúıerler jyly qabyldady. Sebebi, bıylǵy maýsymdy qarqyndy bastaǵan «Barys» sońǵy týrlar tym súreńsiz óner kórsetýde. Olar qatarynan bes kezdesýde utylyp, jarys kestesindegi jaǵdaıdyn biraz nasharlatyp aldy.