Qurlyqtyq hokkeı lıgasynda (QHL) kúsh synasyp júrgen Nur-Sultannyń «Barysy» keshe Cherepovestiń «Severstal» klýbyn overtaımda 2:1 esebimen utqany belgili.
Aıtýly matchta elordalyq shabýylshy Roman Starchenko da óner kórsetti. Bul – 33 jastaǵy О́skemen hokkeı mektebiniń túlegi úshin KHL dodasynda 600-márte muz aıdynyna shyǵýy. Sol básekeler barysynda ol 165 gol soǵyp, 136 ret nátıjeli pas berdi. Jıǵan upaıy – 301. Sol 600 oıynnyń 548-in Starchenko turaqty birinshilikte ótkizse, taǵy 52 márte pleı-off saıysynda baq synady.
Bir ǵajaby, aıtýly oıynshy osy kezdesýlerdiń barlyǵynda tek «Barystyń» ǵana namysyn qorǵady.