21-22 qarasha kúnderi Almatyda ornalasqan «Bóbek» Ulttyq ǵylymı-praktıkalyq, bilim berý jáne saýyqtyrý ortalyǵynda «О́zin-ózi taný» rýhanı-adamgershilik bilim berý baǵdarlamasy – bilim berý uıymdaryndaǵy tárbıeleý jáne oqytý júıesiniń negizi» atty taqyrypta respýblıkalyq semınar ótedi.
Semınardyń maqsaty – balalar men jastarǵa rýhanı-adamgershilik tárbıe berý salasyndaǵy pedagogıkalyq qyzmetkerlerge ádistemelik qoldaý kórsetý. Osy shara barysynda plenarlyq keńes jáne seksııalyq jumystardy ótkizý máseleleri de qarastyrylǵan.
Aıtýly semınarǵa óńirlik bilim basqarmalarynyń ádiskerleri, balabaqshalar, mektepter men kolledjerdiń, «О́zin-ózi taný» rýhanı-adamgershilik bilim berý baǵdarlamasyn iske asyrý jónindegi negizgi jáne pılottyq bilim uıymdarynyń pedagogtary men basshylary qatysady.