Tanymal ózbek boksshysy Bektemir Melıkýzıevke dańqty boksshy, AQSh-taǵy áıgili Golden Boy promoýterlik kompanııasynyń qojaıyny Oskar de la Hoıanyń kózi túsip, kúni keshe qos tarap kelisimshartqa qol qoıdy.
О́zbekstanyń 24 jastaǵy óreniniń esimi qazaqstandyq jankúıerlerge de jaqsy tanys. Ol túrli jarystarda bizdiń Jánibek Álimhanuly, Erik Áljanov, Bekzat Nurdáýletovtermen judyryqtasyp, barlyǵynan da basym túsken bolatyn.
75 jáne 81 kılo salmaq dárejelerinde kúsh synasqan Bektemır Melıkýzıev 2015 jáne 2017 jyldary Azııa chempıony atandy. Dál sol jyldary Doha men Gambýrgte ótken álem birinshilikterinde júldegerler sanatynan kórindi. 2016 jyly Rıo Olımpıadasynyń aqtyq synyna deıin alqynbaı jetip, sheshýshi tusta kýbalyq Arlen Lopeske ese jiberdi. Nátıjesinde kúmis medaldi ıelendi.
Ústimizdegi jyldyń 13 maýsymynda kásipqoı rınge shyǵyp, tusaýkeser kezdesýinde argentınalyq Martın Fıdel Rıosty altynshy raýndta aıqyn basymdyqpen utty. Odan keıin meksıkalyq Rıkardo Adrıan Lýna men amerıkalyq Kleı Kollardty da uryp jyqty.