Efıopııadaǵy Qazaqstannyń Elshisi Barlybaı Sadyqovtyń Efıopııa Prezıdenti Sahlevork Zevde hanymǵa senim gramotalaryn tapsyrý rásimi ótti.
Kezdesý barysynda, ekijaqty yntymaqtastyqtyń jaǵdaıy men bolashaǵy talqylandy. Taraptar eki el arasynda qalyptasqan qarym-qatynastardyń dostyq jáne syndarly sıpatyn atap ótip, saýda-ekonomıkalyq jáne ınvestısııalyq yntymaqtastyqty keńeıtýge ózara múddelilikt tanytty.
Elshi B. Sadyqov suhbattasýshyny Memleket basshysy Qasym-Jomart Toqaevtyń Joldaýynyń negizgi mazmunymen, eldiń ishki jáne syrtqy saıasatynyń basym baǵyttarymen, ekijaqty saıası jáne ekonomıkalyq yntymaqtastyqty keńeıtý jónindegi usynystarmen tanystyrdy.
О́z kezeginde, Efıopııa Prezıdenti S. Zevde Qazaqstandy Tuńǵysh Prezıdent – Elbasy Nursultan Nazarbaevtyń basshylyǵymen júzege asyrylǵan tabysty saıası jáne ekonomıkalyq ózgeristermen quttyqtady. BUU-da birlesken jumys boıynsha jeke ózi biletin jańa Prezıdent Q. Toqaevpen belgilengen maqsattar men mindetterdiń tabysty júzege asyrylýyna senim bildirdi. S. Zevde sondaı-aq ózara is-qımyldyń barlyq salalarynda efıopııalyq tarapynyń Qazaqstanmen ekijaqty qarym-qatynastardy damytýǵa degen yqylasyn bildirdi jáne osy qyzmetke turaqty qoldaý kórsetetinine sendirdi.
Eske sala keteıik, Qazaqstan Respýblıkasy men Efıopııa Federatıvtik Demokratııalyq Respýblıkasy arasyndaǵy dıplomatııalyq qatynastar 2011 jylǵy 5 qyrkúıekte notalar almasý jolymen belgilengen. Búgingi tańda Efıopııamen saıası jáne ekonomıkalyq baılanystar odan ári damyp keledi. Qarym-qatynas baǵyttary pysyqtalýda, yntymaqtastyqtyń túrli salalaryndaǵy ortaq múddelerdi izdeý jumysy óte tabysty jáne qarqyndy júrip jatyr.
2018 jyldyń qorytyndysy boıynsha ózara saýda kólemi 86,4 myń AQSh dollaryn qurady (eksport – 0,4myń AQSh doll), ımport – 86 myń AQSh doll). Efıopııaǵa tegis temir, legirlengen jáne legirlenbegen, tot baspaıtyn bolat ımporttalady. Qazaqstanǵa gúlder, kofe, teri jáne basqada taýarlar ımporttalady.