Qazaqstan Respýblıkasy Parlamenti Senaty Tóraǵasynyń orynbasary Asqar Shákirov, senatorlar Sársenbaı Eńsegenov, Dınar Nóketaeva jáne Sergeı Plotnıkov Táýelsiz Memleketter Dostastyǵyna qatysýshy memleketter Parlamentaralyq Assambleıasynyń mereıtoılyq 50-shi jalpy otyrysyna qatysty. Bul týraly Senattyń baspasóz qyzmeti habarlady.
Sharaǵa qatysýshylar «Múlikti senimgerlik basqarý jáne trast týraly», «Mindetti quqyq týraly», «Jarnama týraly», «Ekologııalyq zalaldy baǵalaý týraly», «Ekologııalyq týrızm týraly», «Memleket, onyń sýbektileri jáne mýnısıpaldyq qurylymdar arasyndaǵy múlikti bólý qaǵıdalary týraly», «Áleýmettik týrızm týraly», «Transshekaralyq aqparat almasý kezinde elektrondyq túrde notarıattyq is-áreketter jasaý týraly» úlgi zańdardy qabyldady.
«Normatıvtik quqyqtyq aktiler týraly» úlgi zań jańa mátinde qabyldandy.
TMD PAA terrorızmge jáne ekstremızmniń zorlyq kórinisterine qarsy is-qımyl kezinde halyqaralyq gýmanıtarlyq quqyq qaǵıdattaryn qoldaný, ulttyq ekologııalyq qaýipsizdik ortalyqtaryn uıymdastyrý jáne TMD-ǵa qatysýshy memleketter parlamentshileriniń mártebesi týraly zańnamany jetildirý jónindegi usynymdardy qabyldady.
Parlamentshiler jumys barysynda Táýelsiz Memleketter Dostastyǵynda 2020-2022 jyldarǵa arnalǵan úlgi zań shyǵarýdyń keleshek josparyn bekitti.