Turǵyndardy baspanamen qamtýǵa arnalǵan «Baqytty otbasy» baǵdarlamasy óz jemisin bere bastady. Ásirese, aımaqtaǵy úıge muqtaj jandar úshin bul shara sátti múmkindik jolyna aınaldy.
1 jeltoqsan – Tuńǵysh Prezıdent kúnimerekesine oraı Almaty oblysynyń Alakól aýdanynyń bir top turǵyny osy baǵdarlama arqasynda baspanaǵa qol jetkizdi. Iаǵnı, Alakól aýdanynda 13 otbasy bir kúnde jańa páterdiń kiltin alyp, qonys toıyn toılady. Bul úıler «Baqytty otbasy» baǵdarlamasy aıasynda kópbalaly analarǵa, «Altyn alqa» jáne «Kúmis alqa» ıegerlerine berildi.
- Memleket basshysy men oblys, aýdan ákimine kóptegen otbasyna turǵyn úı máselesin sheshýge kómekteskenderi úshin alǵys aıtamyz. Jańa baspanaly bolýdy armandaǵan barsha otbasy kóp uzamaı qonys toıyn toılasyn, - deıdi jańa qonys ıesi, «Baqytty otbasy» baǵdarlamasyna qatysýshy K.Máýlethan.
Aıtpaqshy,«Baqytty otbasy» baǵdarlamasyna qatysý múmkindigi berilgen tamyz aıynan beri, jurttyń senimi nyǵaıyp, tómengi prosentpen úı alýǵa yntalylar qatary oblys aýmaǵynda kúrt ósti. Onyń ishinde baǵdarlama sharapatyn kórgenderdiń qatary jyl sońyna deıin eselep kóbeımekshi. Alakól aýdanynda baspanaly bolǵan 19 otbasy soǵan dálel.
Sondaı-aq, óńirde «Nurly jer» memlekettik baǵdarlamasy aıasynda da turǵyn úımen qamtý jolǵa qoıylǵan. Byltyr osy baǵdarlama boıynsha barlyǵy 80 turǵyn úıdiń kiltteri kezekte turǵan azamattarǵa berilse, jyl sońynda bul shara taǵy jalǵasyn tappaq.