Qorǵanys mınıstriniń Almaty garnızonyna jumys sapary barysynda desanttyq-shabýyldaý áskerleri áskerı bólimin qaýyrt oqý-jattyǵý dabyly boıynsha kóterdi. Bul týraly Qorǵanys mınıstrliginiń baspasóz qyzmeti habarlady.
Áskerı bólimdi tańǵy saǵat 5.30-da jaýyngerlik daıarlyqqa keltirgen kezde jeke quramnyń is-qımyly, jaýyngerlik tehnıkanyń belgilengen aýmaqqa ýaqytyly shyǵýy, brıgada komandıriniń tapsyrmalardy qoıýy, sonymen qatar bólimsheniń úılesimdi áreketi tekserildi. Atalǵan is-sharany pysyqtaý barysynda Qorǵanys mınıstri ofıserlerdiń birine jeke quramnyń qaýipsizdik sharalaryn qadaǵalamaǵany úshin sógis jarııalady.
Sonymen qatar Almaty garnızonynda áýe shabýylyna qarsy qorǵanysynyń jeke baılanys polki men brıgadasynyń nysandary da tekserildi. Kóbine baılanys tehnıkalary men avtokólik tehnıkalary, bólimniń qoımalary men basqa da nysandary, sonymen qatar komandalyq pýnktterde jaýyngerlik kezekshiliktiń uıymdastyrylýy.
Arnaıy maqsattaǵy áskerı bólimge polkovnık Borıs Kerimbaevtiń esimi berilgeni jáne onyń qurmetine eskertkish taqtanyń ashylýy jumys saparynyń mańyzdy bóligi boldy. Saltanatty sharada áskerı bólimge Borıs Kerimbaevtiń esimi berilgeni áskerı qyzmetshilerge júktelgen erekshe mindetter kezinde jaýapkershilikti sezinýge yntalandyrý, sondaı-aq áskerı qyzmetshilerdiń ár túrli býynyn boryshqa, áskerı ar-namys zańdaryna, jaýyngerlik baýyrlastyq pen halyqqa qyzmet etýdiń berik aıǵaǵy ekeni aıtyldy. Sharaǵa bólimniń jeke quramy men basshylyǵy, Qarýly Kúshterdiń ardagerleri jáne de polkovnık Kerimbaevtiń jubaıy qatysty.
«Búgin meniń qýanyshymda shek joq. Árıne joqtyń orny tolmas. Ol osy jerde sapta turǵan barlyǵy úshin naǵyz ustaz bola bildi. Men barlyqtaryńyzǵa myqty densaýlyq, otbasylaryńyzǵa amandyq tileımin. Joǵary jetistikterińizben quttyqtaımyn», dedi Raısa Kerimbaeva.