Halyqaralyq Olımpıada komıteti olımpıadalyq qysqy sport túrlerindegi Halyqaralyq federasııalarmen birlese otyryp, on qazaqstandyq sportshyǵa 2022 jyly Qytaıda ótetin Olımpıada oıyndaryna daıyndalý maqsatynda arnaıy stıpendııa bóldi. Bul týraly Olympic.kz habarlady.
Bekitilgen stıpendıattar tiziminde Iýlııa Galysheva (frıstaıl-mogýl), Elızabet Tursynbaeva (mánerlep syrǵanaý), Ekaterına Aıdova (konkımen júgirý sporty), Janbota Aldabergenova (shańǵy akrobatıkasy), Aqmarjan Qalmurzaeva (shańǵy akrobatıkasy), Pavel Kolmakov (frıstaıl-mogýl), Abzal Ájiǵalıev (short-trek), Roman Krech (konkımen júgirý), Dmıtrıı Reıherd (frıstaıl-mogýl) jáne Sergeı Tkachenko (shańǵymen tuǵyrdan sekirý) syndy sportshylar bar.
HOK talaby boıynsha, ár eldegi UOK-terge bólinetin stıpendııa kólemi ótken oıyndarǵa qatysqan sportshylar arasynda genderlik teńdiktiń saqtalýyna baılanysty.
Sondaı-aq úmitkerlerdi irikteý barysynda olardyń reıtıngi men sporttaǵy jetistikteri de qaraldy. Stıpendııany HOK 2019 jyldyń sońynan bastap tóleıdi.