Qurlyqtyq hokkeı lıgasyndaǵy (QHL) kezekti týr oıynyn Ombyda ótkizgen Nur-Sultannyń «Barysy» jergilkti «Avangard» klýbynan aılasyn asyrdy.
Bastapqyda aıdyn ıeleri alymdy kórindi. 7 jáne 11 mınýttarda Kırıll Semenov pen Semen Koshelev gol soǵyp, «Avangardty» alǵa shyǵardy. Biraq bul jaǵdaı bizdiń jigitterdiń saǵyn syndyra alǵan joq. Kersinshe, namystaryn qamshylady. Nátıjesinde úzilisten keıin Roman Starchenko esep aıyrmashylyǵyn qysqartty. Úshinshi kezeńde qonaqtar qarqynyn odan ári kúsheıte tústi. Al básekeniń aıaqtalýyna eki mınýttan asa ýaqyt qalǵanda Korban Naıt pen Nıkıta Mıhaılıs alma-kezek nysanany dál kózdep, «Barysqa» jeńis áperdi. Esep – 2:3.
Osy kúnge deıin 35 oıyn ótkizip úlgergen «Barystyń» qorjynynda qazir 46 upaı bar. Shyǵys konferensııasynda jerlesterimiz úshinshi orynda kele jatsa, turaqty birinshiliktiń jarys kestesinde altynshy satyǵa jaıǵasty. Endi óziniń kelesi kezdesýin astanalyq hokkeıshiler 18 jeltoqsanda Tómengi Novgorodta jergilikti «Torpedoǵa» qarsy ótkizedi.