Adam quqyǵy aıaqasty qalmaıdy

Dóńgelek ústelge Mem­le­kettik hatshy Qyrymbek Kó­sher­baev, Senat jáne Máj­ilis depýtattary, dıploma­tııalyq korpýs basshylary, dıplomatııalyq ókildikterdiń ókilderi, Úkimet músheleri jáne BAQ ókilderi qatysty.

Qyrymbek Kósherbaev óz sózinde Qazaqstanda adam qu­qyqtaryn qorǵaý máselesiniń halyqaralyq mindettemeleri turǵysynan ózektiligin, son­daı-aq quqyq qorǵaý meha­nızmderin jetildirý salasynda memlekettiń azamattyq qoǵam ınstıtýttarymen ózara syndarly dıalogyn damytýdyń mańyzdylyǵyn atap ótti.

Dóńgelek ústel barysynda Konstıtýsııamen jáne qol­danystaǵy zańnamamen qam­tamasyz etilgen adamnyń jáne azamattyń  quqyqtary men bos­tandyqtarynyń iske asýy jóninde aıtyldy. Sondaı-aq halyqaralyq standarttarǵa sáıkes adam quqyqtaryn qorǵaý men qamtamasyz etýdiń ulttyq tetikterin odan ári jetildirý jaıynda keń pikir almasý boldy.

Qatysýshylar halyqaralyq quqyqtyń normalaryn ulttyq zańnamaǵa engizý máselelerin alǵa tartyp, adam quqyqtaryn qorǵaýdyń halyqaralyq jáne ulttyq tetikterin jetildirýge qatysty paıymdy pikir bil­dirdi. Sonymen qatar adam quqyqtaryn sot jáne sottan tys ınstıtýttar arqyly qor­ǵaýdy jetildirýdiń ózekti máse­leleri de nazarǵa alyndy.

Tal­qylaýǵa qatysqan ha­lyq­­­aralyq jáne ulttyq sa­rap­­shylar Qazaqstandaǵy qu­qyq qorǵaý tetikterine oń baǵa berdi.

Dóńgelek ústelge qatysý­shylar adam quqyqtary salasynda Qazaqstan ratıfıkasııala­ǵan halyqaralyq sharttar­dyń  qu­qyq qorǵaý tetikterin jetil­di­­rýdegi jáne adam quqyǵyn qor­­ǵaýdyń ulttyq júıesin ny­ǵaı­týdaǵy mańyzdy rólin atap ótti.

– Elimizdiń barlyq jetis­tikteri men jemisteri Tuńǵysh Prezıdent – Elbasy Nursultan Nazarbaevtyń memlekettik qaıratkerliginiń, Qazaq­stan halqynynyń jasampazdyq eńbeginiń arqasynda múmkin bol­­dy. Qazaqstannyń órken­deýin Memleket basshysy Qa­sym-Jomart Toqaev sabaq­tas­t­yq, ádildik, damý jolymen jalǵastyrýda. Prezıdent ja­­nyn­­daǵy Adam quqyqtary jó­nin­degi komıssııasy úkimet­tik emes uıymdarmen, halyqara­lyq uıymdarmen teń áriptestik or­natqan syndarly ári tıim­di dıalog alańyna aınaldy, – dedi Qazaqstan Prezıdenti ja­nyndaǵy Adam quqyqtary jónin­degi komıssııanyń tóraǵa­sy Qýanysh Sultanov.