Prezıdent Q.Toqaev «Egemen Qazaqstan» gazetinde 10 jeltoqsan kúni jaryq kórgen «Temir joldy jaǵalap top bala júr» maqalasynda kóterilgen máseleni sheshýdi tapsyrdy. Bul týraly Memleket basshysy Twitter paraqshasynda jazdy. Maqalada Qyzylorda oblysy Aral aýdany Sekseýil kentiniń jańa aýdanynda turatyn 360 oqýshy sabaqqa kelý úshin kúnde 13 relsti kesip ótetini aıtylǵan edi.
«Egemen Qazaqstan» gazetindegi «Temir joldy jaǵalap top bala júr» atty maqaladan Sekseýil kentinde 360 bala kúndelikti mektepke barý úshin 13 relsti kesip ótetinin oqydym. Bul – óte ózekti másele. Ony sheshý úshin Úkimet naqty sharalar qabyldaýy qajet» dep jazdy Qasym-Jomart Toqaev Twitter paraqshasynda.