B.Kúleev qazirgi Orynbor oblysynyń Bórte aýdanynda ómirge kelgen. 1917-1918 jyldary Orynbor muǵalimder semınarııasynda oqyǵan.
1919 jyly Zaýral bóliminiń emıssary boldy. О́leń jazýmen erteden aınalysqan. “Ushqynnyń” birinshi sany Bernııaz Kúleevtiń “Ushqynǵa” degen óleńimen ashyldy. Osy kezde onyń Esenbaev, Safıevtermen birge gazetimizge basshylyq jasaǵan tusy.
1920 jyldan ómiriniń aqyryna deıin qazaq ASSR Halyq Aǵartý komıssarıatynyń kitaptardy bastyrýshy ókili retinde Qazan qalasynda jumys istedi.
B.Kúleevtiń “Qyzdyń minájaty” (1914), “Qyzyqty jaz” (1916), “Qazaq qyzy” (1916), “Tún” (1917), “Bostandyq kúninde” (1917),“Áıelder sózi” (1917) óleń-tolǵaýlary bar. “Qaıda eken” (1922), “Joryq” (1922) atty poemalarynda qazaq eli bastan keshken áleýmettik máselelerdi tolǵady.
B.Kúleev – syrshyl lırık aqyn. Ol orys aqyndarynyń da birqatar shyǵarmasyn qazaq tiline tárjimalady. Tańdamaly shyǵarmalary “Aıtshy, aq qaıyń” degen atpen 1969 jyly Almatyda basyldy.