Qaraǵandy oblysy ákiminiń jańajyldyq shyrsha merekesi bıyl «Biz – elimizdiń jarqyn bolashaǵymyz!» degen ataýmen ótti. Dástúrli merekelik sharaǵa balalar úıiniń 180 tárbıelenýshisi, úzdik oqýshylar, zııatkerlik jáne sporttyq olımpıadalardyń jeńimpazdary, kóp balaly jáne az qamtylǵan otbasylarynan shyqqan balalar men múmkindigi shekteýli balaqaılar qatysty.
Júzderi bal-bul janǵan balalardy quttyqtaǵan oblys ákimi Jeńis Qasymbek bizdiń elimizde jas býynnyń alańsyz ósýine barlyq jaǵdaıdyń jasalyp jatqanyn atap ótti.
– Sizderdiń jaqsy bilim alyp, kóptegen baıqaýlarǵa qatysyp, jeńiske jetýlerińizge, bıikterden kórinýlerińizge tilektespin. Kelesi jyly sizderdiń barlyq tilekterińiz oryndalatyndaı tabystar men jeńister bolsyn. Kele jatqan jańa jylmen quttyqtaımyz! – dedi ol.
Shyrsha merekesinde balalarǵa planshetter, táttiler jıyntyǵy jáne 60 myń teńge somasyndaǵy sertıfıkattardan quralǵan jańajyldyq syılyqtar tabys etildi.
Oblys ákimi atynan uıymdastyrylǵan merekelik shara sońynda balalar saltanatty túski as dastarqanynan dám tatty.