Qaıta jańǵyrǵan jádigerler

Jalpy, oblystyq beıne­leý óneri murajaıynda bı­yl­dyń ózinde tórt birdeı jo­ba iske asyryldy. Atap aıt­­qanda, «Bir sýrettiń ta­rı­hy», «Qaraǵandynyń monýmentaldy óneri: mozaı­kadan strıt-artqa deıin», «Sa­ryarqanyń sándik-qol­danbaly óneri jáne oıý-ór­nekteri» jáne sýretshi Ká­rip­bek Kúıikovtiń ómiri men qyzmetine arnalǵan jobalar qala turǵyndary men qo­naqtary tarapynan joǵary baǵa aldy.

Joǵaryda atalǵan ekspe­dı­sııa Qarqaraly, Shet, Ja­ńaarqa, Aqtoǵaı jáne Buqar jy­raý aýdandary boıynsha tııanaqty jumys istedi. Ná­tı­je­sinde, el ishinen qa­byr­ǵaǵa ilinetin tuskıiz, syr­maq, qazaqtyń besigi, besikke ar­nalǵan jabdyqtar, qobyz, úk­kish pen kelsap, qazaqtyń dóń­gelek ústeli, as úı buıym­dary – saptaıaq, qamshy, maldyń etin ilýge jáne keptirýge ar­nal­ǵan qural-aspa, bıe sú­tin sapyrýǵa arnalǵan ydys-teksheler, oıýmen órnek­telgen jastyqtar sııaqty sheber qol­dan shyqqan dúnıeler jınas­tyrylyp, eksponat retinde kórmege qoıyldy.

Sonymen qatar kórme ba­rysynda «Saryarqanyń sán­dik-qoldanbaly óneri jáne oıý-órnekteri» atty kitap-al­bomnyń tanystyrylymy ótti.

Murajaıdyń aýyz toltyryp aıtarlyq taǵy bir jobasy «Bir sýrettiń tarıhy» dep atalady. Onyń avtory, mýzeıdiń ǵylymı qyzmetkeri Aıgúl Oma­rovanyń aıtýynsha, bul jumys jergilikti «Saryarqa» telearnasymen birlesip júr­gizilgen. Birneshe jylǵy eren eńbektiń nátıjesinde 11 myń­nan astam murajaı eks­­ponattarynyń ishinen Qa­ra­ǵandynyń jáne elimizdiń ta­nymal avtorlarynyń 12 týyndysy, sondaı-aq stalındik qýǵyn-súrgin kezinde Arqa tó­sine jer aýdarylǵan sýret­shilerdiń úsh shyǵarmasy tań­dalyp alynyp, kórermen nazaryna usynyldy.

QARAǴANDY