Bul týraly Densaýlyq saqtaý mınıstrliginiń baspasóz qyzmeti habarlady.
«Memleket basshysy eriktiler jyly dep jarııalaǵan jańa 2020 jyl qarsańynda Densaýlyq saqtaý mınıstrliginiń qyzmetkerleri kóp balaly jáne az qamtylǵan otbasylarǵa, Nur-Sultan qalasynda balalar úıinde tárbıelenip jatqan búldirshinderge 200 myńnan astam teńgege azyq-túlik pen balalarǵa jańa jyldyq syılyqtar tabystady.
Aıta ketý kerek, qaıyrymdylyq aksııasy bir aptaǵa sozyldy.
Bul is-shara balalardy qorǵaý kúni, bilim kúni jáne jańa jyl merekesi qarsańynda júıeli túrde ótkiziledi.
Densaýlyq saqtaý mınıstrligi men vedomstvoǵa qarasty uıymdar qaıyrymdylyq sharalaryn áriqaraı jalǵastyra beredi» delingen habarlamada.