Senat depýtaty Sáýle Aıtpaeva Almatydaǵy №1 qazaq memlekettik gýmanıtarlyq-pedagogtik kolledjiniń ujymymen kezdesti. Bul týraly Parlament Senatynyń baspasóz qyzmeti habarlady.
S.Aıtpaeva kezdesý barysynda Senat depýtattarynyń Memleket basshysy Qasym-Jomart Toqaevtyń «Syndarly qoǵamdyq dıalog – Qazaqstannyń turaqtylyǵy men órkendeýiniń negizi» atty halyqqa Joldaýynda bergen tapsyrmalaryn oryndaý barysy týraly ustazdar qaýymyn habardar etti.
Oqytýshylar Parlament depýtattary qabyldaǵan «Pedagog mártebesi týraly» jańa zańǵa nazar aýdardy, onda eńbekaqyny arttyrý, pedagogıkalyq sheberligi úshin qosymsha aqy engizý, pedagogtardy ózine tán emes fýnksııalardan bosatý, pedagogtardyń áleýmettik mártebesin arttyrýǵa múmkindik berý kózdelgen bolatyn.
Sáýle Aıtpaeva sonymen qatar aýyr qylmystar jasaýǵa, ásirese kámeletke tolmaǵandarǵa, pedofılııaǵa, adam saýdasyna qatysty, jynystyq zorlyq-zombylyq jasaýǵa baılanysty qylmystyq jáne qylmystyq is júrgizý zańnamasyn qataıtýǵa baǵyttalǵan basqa da jańalyqtar týraly aıtyp berdi.