О́tken jyly Almaty oblysynyń polıseıleri mal urlyǵyna qatysty 680 qylmystyń izin sýytpaı ashty. Jedel izdestirý men anyqtaýdyń nátıjesinde urlanǵan 900 bas iri qara maly menshik ıelerine qaıtarylǵan.
О́kinishtisi, aq adal maldy qoradan shyǵaryp urlap ketý oqıǵasy áli azaımaı tur. Sondaı jaǵdaıdyń biri Alakól aýdanynyń Qazaqstan aýylynda boldy. 16 jeltoqsan kúni aýyl turǵynynyń qorasynan asyl tuqymdy 9 bas sıyr urlanǵan. Mal ıesiniń óz betinshe izdegen áreketinen túk ónbeı, polısııaǵa shaǵymdanypty.
Alakól aýdanynyń polıseıleri bir apta boıy iz kesip, urynyń alysqa uzamaǵanyn anyqtapty. Úsharal qalasynyń 2 turǵyny kúdikke ilindi. Buryn da mal urlap sottalǵan baýkespe bastapqyda bultarǵanymen, artynan kánisin moıyndapty.
Olar urlanǵan maldyń birazyn satyp ta úlgeripti. 2 bas sıyrdy soıyp, bazarǵa saýdalaǵan eken. Maldyń quny 2 mln teńgege baǵalandy. Buıyrǵan 7 bas sıyrdy mal ıesine qaıtarǵan polıseılerge aýyl turǵyndary dán rıza.