Almaty oblysynyń polısııasy Eńbekshiqazaq aýdanynyń aýmaǵynda tonaý men qaraqshylyq shabýyl jasaýdy kásip qylǵan qaraqshylardy qolǵa túsirdi.
Tártip saqshylary «Almaty – Qorǵas» trassasynyń boıynda «Folksvagen Golf» avtokóligin toqtatyp, 3 kúdiktini tutqyndaǵan. Tekserý kezinde kólikten sholaq myltyq, pnevmatıkalyq pıstolet jáne iri kólemdegi esirtki zaty tabyldy.
Aldyn ala tergeý kúdiktilerdiń Almaty qalasy mańyndaǵy birneshe aýdanda úı tonaý, qaraqshylyq shabýyl jasaý isi boıynsha qylmys jasaǵany anyqtalǵan. 22-25 jas aralyǵyndaǵy jas jigitterden alynǵan qarý-jaraq pen esirtki zertteýge jiberildi.