Bul úrdis buǵan deıin memlekettik-qazynalyq kásiporyny nysanynda qyzmet kórsetip kelgen aýrýhanalardy sharýashylyq júrgizý quqyǵyndaǵy kásiporyndarǵa aınaldyrý men turǵyn sany az eldi mekenderdegi emdeý oryndaryn aýdandyq deńgeıdegi emhanalarǵa qosý joly arqyly júzege asqan.
Atap aıtqanda, endi Taldyqorǵan qalasynda jáne Talǵar qalasynda eki iri narkologııalyq dıspanser biriktirilip, bir ortalyqtan basqarylatyn bolsa, osy eki qaladaǵy týberkýlezge qarsy kúres dıspanserleri de ońtaıslandyrý jolymen qosyldy. Al buǵan deıin jeke emdeý mekemesi bolyp kelgen Qaskeleń qalasynyń juqpaly aýrýlar aýrýhanasy Qarasaı aýdanynyń ortalyq aýrhanasyna berilse, Jarkent qalasy men Esik qalasyndaǵy perzenthanalar da aýdandyq aýrýhanaǵa baǵynyshty boldy.
Buǵan qosa oblystaǵy tósek sany 29 orynǵa jetpeıtin barlyq aýyldyq aýrýhanalardyń mártebesi alynyp, aýdandyq aýrýhanalarǵa qosylǵan. Al jalpy sany 237 bolatyn dárigerlik ambýlatorııanyń jıyrma tórti alǵashqy dárgierlik-sanıtarlyq kómek kórsetý ortalyqtary bolyp qaıta qurylsa, turǵyn sany 1 500 adamnan asqan eldi mekenderdegi 49 feldsher- akýsher pýnkti men 13 medısına pýnkti dárgerlik ambýlatorııaǵa aınalǵan.