Parlament Senatynyń depýtattary Nurtóre Júsip pen Dınar Nóketaeva Almaty qalasy avtobýs parkteriniń basshylarymen kezdesti. Sharaǵa qalalyq máslıhat depýtattary men jergilikti atqarýshy organdardyń basshylary qatysty. Bul týraly Parlament Senatynyń baspasóz qyzmeti habarlady.
Parlamentshiler qalalyq jolaýshylar kóligi júrgizýshilerin daıarlaý, qoǵamdyq kólikti paıdalaný barysyndaǵy halyqtyń mádenıetin arttyrý, qala joldarynda apattyń bolýy sebepteri týraly oılaryn ortaǵa saldy.
D.Nóketaeva kólik mamandarynyń biliktiligin arttyrý ortalyǵynyń avtobýs júrgizýshilerin qaıta daıarlaý men kásibı sheberlikterin arttyrýǵa baǵyttalǵan jumystardyń mańyzy zor ekenin atap ótti. Avtobýs parkteriniń basshylary oqýdan keıin júrgizýshilerdiń jumys sapasy jaqsarǵanyn, mamandyqtyń mańyzy arta túskenin jáne jolaýshylar tasymalyna jaýapkershilik ulǵaıǵanyn aıtty.
Senator N.Júsip ortalyq qyzmetkerlerin áleýmettik saqtandyrý boıynsha qabyldanǵan zańdarmen tanystyrdy. Depýtattyń aıtýynsha, halyqty áleýmettik qorǵaýdyń qosymsha túri retinde mindetti áleýmettik saqtandyrý júıesi jáne áleýmettik táýekelge bas tigip jumys isteıtin azamattardy qamtamasyz etý úshin memleket qabyldaıtyn sharalar júıesi engizildi. Mindetti áleýmettik medısınalyq saqtandyrýdyń negizgi prınsıpteri túsindirildi.
Almatyda 2020 jyldyń sońyna deıin 100-ge jýyq elektrobýstardy iske qosý josparlanýda.