AQSh soty Klıvlend qalasynda úsh qyzdy urlap áketip, uzaq ýaqyt boıy úıinde qınap ustaǵan Arıel Kastroǵa qatysty úkim shyǵardy. Bul týraly ITAR-TASS habarlady.
Sot prosesinde tóraǵalyq etken sýdıa Maıkl Rýsso qylmyskerdi ómir boıyna abaqtyǵa qamaý jazasyna kesti. О́tken aptada Kastro tergeý jumystaryna kómektesýi men kinásin moıyndaýy arqyly ólim jazasynan qutylǵan bolatyn.
Sot otyrysy birneshe saǵatqa sozyldy. Buryn mektep oqýshylaryn tasıtyn avtobýs júrgizýshisi qyzmetin atqarǵan 53 jasar Kastro óziniń sońǵy sózinde jábirlenýshilerden keshirim surady. «Men qubyjyq emespin. Men pornografııalyq úlgidegi fılmderdiń yqpalyna túsken aýrý adammyn», – dedi ol.
Sotta jábirlenýshilerdiń biri – 32 jasar Mıshel Naıt sóz sóıledi. «Sen meniń 11 jyl ómirimdi qorladyń. Bul jyldar men úshin tozaq sekildi boldy. Endi seniń ómiriń tozaqqa aınalady», – dedi kóz jasyn áreń ustaǵan Mıshel Naıt. Qalǵan eki jábirlenýshi sotqa kelmedi.
Atalmysh sot otyrysy kóptegen amerıkalyq telearnalarda tikeleı efırde kórsetildi.
Amanda Berrı, Djına Dehesýs pen Mıshel Naıt 2002-2004 jyldar aralyǵynda 14,16 men 20 jastarynda joǵalyp, tek bıylǵy jyldyń mamyr aıynda Kastronyń qamaýynan bosap shyǵady. Úsh qyz da qanisherdiń tarapynan zorlyq kórgen. Qylmyskerdiń tutqynynda jatqan kezinde Amanda Berrı Kastrodan júkti bolyp sábı týady.
Jalpy alǵanda, Arıel Kastroǵa 977 tarmaq boıynsha aıyp taǵylyp otyr.
Aıdar О́risbaev.