Táýelsizdik kúreskeri han Abylaıdyń 300 jyldyǵyna oraı oblys aýmaǵynda túrli sharalar uıymdastyrylyp, mereıtoıdyń dúbiri kún ótken saıyn jaqyndaı túsýde. Munda jergilikti azamattardyń jeke úlesteri de molynan baıqalady. Jýyrda Parlament Senatynyń depýtaty Jabal Erǵalıevtiń Abylaı han toıyn ótkizýdegi tyń usynystary maquldansa, aqyn, sazger, ánshi Iran sal Tasqara «Táýelsizdiktiń kók týy» atty kantatanyń lıberottasyn jazyp, qaıyrymdylyq konsertin ótkizdi.
Kantatanyń sátti shyǵýyna atsalysqan oblystyq mádenıet basqarmasy men Birjan sal atyndaǵy Kókshetaý mýzyka kolledjiniń ujymy, sonyń ishinde kolledj dırektory Qaıyrly Sársenbaev, dırektordyń orynbasary, sazger Tanzıp Esirkepov, hormeıster Asyltas Balapaıqyzy, dırıjer Turlyqoja Bazarovtyń eńbekteri erekshe. Týyndy Abylaı hannyń «Shańdy joryq» kúıimen qýattana túsken. «Táýelsizdiktiń kók týy» kantatasynyń áýenderi, kúıleri qazirgi kúni ınternet jelilerinde tarap, qalyń jurtshylyq tamashalaýda. Aldaǵy ýaqytta batyr babamyzdyń mereıtoıynda zor shabytpen oryndalmaqshy.
Baqbergen AMALBEK,
«Egemen Qazaqstan».
KО́KShETAÝ.