Elbasynyń Qazaqstan halqyna Joldaýynda adamdardyń densaýlyǵyn jaqsartýǵa jan-jaqty qolǵabys jasaý, aýyl adamdaryna tegin medısınalyq qyzmet kórsetýi jaıly aıtylǵan bolatyn. Bul baǵytta Kendi Altaıda da kóp ister tyndyrylyp jatyr. Medısına qyzmetkerleriniń biliktiligin arttyrý, mekemelerge kólik berý, qajetti jabdyqtarmen qamtamasyz etýde ıgilikti sharalar atqarylýda. Jaqynda Ulan aýdanynda issaparmen bolǵan kezde buǵan kóz jetkizdik.
Elbasynyń Qazaqstan halqyna Joldaýynda adamdardyń densaýlyǵyn jaqsartýǵa jan-jaqty qolǵabys jasaý, aýyl adamdaryna tegin medısınalyq qyzmet kórsetýi jaıly aıtylǵan bolatyn. Bul baǵytta Kendi Altaıda da kóp ister tyndyrylyp jatyr. Medısına qyzmetkerleriniń biliktiligin arttyrý, mekemelerge kólik berý, qajetti jabdyqtarmen qamtamasyz etýde ıgilikti sharalar atqarylýda. Jaqynda Ulan aýdanynda issaparmen bolǵan kezde buǵan kóz jetkizdik.
Mektep pen onyń janyndaǵy Názıgúl Asanǵalıeva jetekshilik etetin feldsherlik-akýsherlik kabınettiń mańy aýyl adamdaryna toly. Sebebi, búgin munda «Salamatty Qazaqstan» baǵdarlamasyna sáıkes Ulan aýdandyq ortalyǵynyń dárigerleri kelgen eken. Bilikti dáriger Erbol Arynǵazın bylaı dedi.
– Biz qazir Ulan aýdanynyń eldi mekenderin aralap, tegin medısınalyq kómek kórsetýdemiz. Aqtaý, Bozambaı aýyldarynda boldyq, endigi baǵyt – Troınıskoe, Mıtrofonovka eldi mekenderi. Búgin Mamaı batyr aýylyna keldik. Tatıana Ivanova qan quramyn tekserse, bilikti dárigerler Almagúl Quıqasheva, terapevt Álııa Tantybaeva, ýzı dárigeri Qaırat Manasbaev aýyl adamdaryn muqııat tekserip, qajetti aqyl-keńesterin berýde. Onyń ústine oblystyq qurt aýrýyna qarsy dıspanserdiń qyzmetkerleri de arnaıy qural-jabdyqtaryn alyp kelip, adamdardy rentgenge túsirýde. Eger aýyl adamdarynyń qalaǵa baryp, ókpesin teksertýge jáne qan tapsyrýǵa qansha ýaqyty men qarjysy ketetinin eskersek, memlekettiń «Densaýlyq joly» baǵdarlamasynyń adam faktoryn kúsheıtýge qosatyn úlesi erekshe, – dep úgit poıyzynyń Ulan aýdany boıynsha jetekshisi Erbol Arynǵazın aǵynan jaryldy.
Sol kúni Mamaı batyr aýylynyń eki júzge tarta adamy ókpelerin teksertip alsa, taǵy sonshama adam qan tapsyryp, dárigerlerdiń aqyl-keńesin tyńdady. Aýyldyń baıyrǵy turǵyny, eńbek ardageri Sháızada Jańabaeva demikpe syrqatymen aýyratynyn, qysylǵan kezde aýyldaǵy Názıgúl Asanǵalıeva basqaratyn feldsherlik-akýsherlik kabınet qyzmetkerleriniń ózine ǵana emes basqa adamdarǵa adal qyzmet etetinin aıtyp, búgingi «Salamatty Qazaqstan» baǵdarlamasynyń Qazaqstan halqyna ólsheýsiz jaqsylyq jasap otyrǵanyna alǵysyn bildirdi.
Ońdasyn ELÝBAI,
«Egemen Qazaqstan».
Shyǵys Qazaqstan oblysy,
Ulan aýdany.
–––––––––––––
Sýrette: Arnaıy kólikte aýyl turǵyndary ókpelerin teksertti.