Qazaqstan óneri aýyr qazaǵa ushyrady. 2013 jyldyń 1 tamyzynda 87 jasqa qaraǵan shaǵynda belgili teatr jáne kıno akteri, Qazaqstannyń halyq ártisi, M.Iý.Lermontov atyndaǵy Memlekettik akademııalyq orys drama teatrynyń akteri Gavrııl Moıseevıch Boıchenko dúnıeden ótti.
G.Boıchenko 1927 jyldyń 1 aqpanynda Stavropol ólkesiniń Essentýkı qalasynda dúnıege keldi. Mektep bitirgen soń Stavropoldaǵy M.Iý.Lermontov atyndaǵy drama teatry janyndaǵy teatr stýdııasynda oqydy
Qazaqstan óneri aýyr qazaǵa ushyrady. 2013 jyldyń 1 tamyzynda 87 jasqa qaraǵan shaǵynda belgili teatr jáne kıno akteri, Qazaqstannyń halyq ártisi, M.Iý.Lermontov atyndaǵy Memlekettik akademııalyq orys drama teatrynyń akteri Gavrııl Moıseevıch Boıchenko dúnıeden ótti.
G.Boıchenko 1927 jyldyń 1 aqpanynda Stavropol ólkesiniń Essentýkı qalasynda dúnıege keldi. Mektep bitirgen soń Stavropoldaǵy M.Iý.Lermontov atyndaǵy drama teatry janyndaǵy teatr stýdııasynda oqydy.
Gavrııl Moıseevıchtiń akterlik joly 1944 jyly bastalyp, 1962 jyldan beri onyń shyǵarmashylyǵy Almatydaǵy N.Sas atyndaǵy balalar men jasóspirimder teatrymen, al 1994 jyldan M.Iý.Lermontov atyndaǵy Memlekettik akademııalyq orys drama teatrymen baılanysty boldy.
70 jylǵa jýyq teatrda qyzmet atqarǵan ýaqytta Gavrııl Moıseevıch 250-den astam rólderdi somdady. Olardyń arasynda E.Shvarstyń «Obyknovennoe chýdo» jáne «Zolýshka» qoıylymdaryndaǵy Korolder, G.Gorınniń «Samyı pravdıvyı» qoıylymynda Mıýnhaýzen, «Korolevskıe ıgry» qoıylymynda epıskop Fısher, P.Kalderonnyń «S lıýbovıý ne shýtıat» qoıylymynda Don Pedro, B.Brehttiń «Opera nıshıh» qoıylymynda Pıchem, I.Týrgenevtiń «Nahlebnık» qoıylymynda Ivan Kýzmıch, A.Ostrovskııdiń «Talanty ı poklonnıkı» qoıylymynda knıaz Dýlebov, Ý.Shekspırdiń «Dvenadsataıa noch» qoıylymynda Malvolıo jáne «Korol Lır» qoıylymynda Shal sııaqty umytylmas beıneler men basqa da tamasha eńbekter bar.
G.Boıchenko «Qazaqfılm» kınostýdııasynda da «V te dnı», «Lesnaıa ballada», «Prıtcha o lıýbvı», «Dalekıı mlechnyı pýt», «Tansýıýshıı angel» fılmderine tústi.
Qazaqstannyń teatr ónerin damytýǵa qosqan úlesi men oryndaýshylyq joǵary sheberligi úshin G.M.Boıchenko «Qazaqstannyń eńbek sińirgen ártisi», «Qazaqstannyń halyq ártisi» qurmetti ataqtarymen marapattalyp, mádenıet salasyndaǵy memlekettik stıpendııanyń ıegeri atandy.
О́ziniń asqan kásibı sheberligi men teatrǵa degen taýsylmas súıispenshiligin Gavrııl Moıseevıch shákirtteriniń boıyna sińirdi. Ol shyǵarmashyl zııaly jastar qaýymyn tárbıelegen bilikti ustaz jáne tálimger bolatyn.
Kórnekti akter Gavrııl Boıchenkonyń jarqyn beınesi bizdiń jadymyzda árdaıym saqtalady.
Qazaqstan Respýblıkasynyń
Mádenıet jáne aqparat mınıstrligi.