Bul kúnderi Melbýrnde ótip jatqan Aýstralııanyń ashyq birinshiliginde 20 jastaǵy qazaqstannyń tennısshisi Elena Rybakına tabysty óner kórsetýde.
Tusaýkeser kezdesýinde Bernarda Peradan basym túsken jerlesimiz ile-shala belgııalyq Grete Mınnendi de esh qınalmaı utty. 1 saǵat 13 mınýtqa sozylǵan bul saıysta 6:3, 6:4 esebi tirkeldi.
Endi úshinshi kezeńde Rybakınanyń joly 23 jastaǵy jergilikti tennısshi Eshlı Bartımen qıysady. Bul kúnderi álemniń birinshi raketkasy atanyp otyrǵan Aýstralııanyń ókili bıyl Rolan Garrosta top jarǵan bolatyn.
Sondaı-aq búgin Zarına Dıas pen Iýlııa Pýtınseva da kortqa shyǵady. Zarına reseılik Anna Blınkovamen kúsh synassa, Iýlııa amerıkalyq Danıel Roýz Kollınspen kezdesedi.
Al jigitterimizdiń jekelegen saıysta sátsiz óner kórsetkeni belgili. Esesine juptyq básekede olar ózderin jaqsy qyrynan kórsetýde. Bastapqy kezdesýde otandastarymyz álemdegi eń myqty juptardyń biri, byltyrǵy jylǵy Rolan Garrostyń jeńimpazdary, germanııalyq Kevın Kravıs pen Andreas Mısti 6:3, 7:6 esebimen utty.