2013 jylǵy 15 aqpan Astana, Úkimet Úıi
«Veterınarııa salasyndaǵy normatıvtik quqyqtyq kesimderdi bekitý týraly» Qazaqstan Respýblıkasy Úkimetiniń 2003 jylǵy 28 sáýirdegi №407 qaýlysyna ózgerister men tolyqtyrýlar engizý týraly
Qazaqstan Respýblıkasynyń Úkimeti qaýly etedi:
1. «Veterınarııa salasyndaǵy normatıvtik quqyqtyq kesimderdi bekitý týraly» Qazaqstan Respýblıkasy Úkimetiniń 2003 jylǵy 28 sáýirdegi № 407 qaýlysyna (Qazaqstan Respýblıkasynyń PÚAJ-y, 2003 j., № 18, 185-qujat) mynadaı ózgerister men tolyqtyrýlar engizilsin:
1) kórsetilgen qaýlymen bekitilgen Janýarlarǵa jáne adam densaýlyǵyna erekshe qaýip tóndiretin janýarlar, janýarlardan alynatyn ónimder men shıkizattardy mindetti túrde alyp qoıý jáne joıý ne olardy alyp qoımaı mindetti túrde zalalsyzdandyrý (zararsyzdandyrý) jáne qaıta óńdeý erejesinde:
3-tarmaq mynadaı redaksııada jazylsyn:
«3. Janýarlarǵa jáne adam densaýlyǵyna erekshe qaýip tóndiretin janýarlardy, janýarlardan alynatyn ónimder men shıkizattardy mindetti túrde alyp qoıý jáne joıý jeke jáne zańdy tulǵalarǵa olardyń qunyn óteı otyryp, Qazaqstan Respýblıkasynyń Úkimeti bekitetin Janýarlarǵa jáne adamdar densaýlyǵyna erekshe qaýip tóndiretin Janýarlardy, janýarlardan alynatyn ónimder men shıkizattardy mindetti túrde alyp qoıý jáne joıý júrgiziletin janýarlardyń erekshe qaýipti aýrýlarynyń tizbesine sáıkes júrgiziledi.»;
mynadaı mazmundaǵy 3-1, 3-2-tarmaqtarmen tolyqtyrylsyn:
«3-1. Janýarlarǵa jáne adam densaýlyǵyna erekshe qaýip tóndiretin janýarlardy alyp qoıý jáne joıý týraly qaýlyny aýrýdyń bar ekenin rastaıtyn veterınarııalyq zerthana saraptamasynyń aktisi negizinde Qazaqstan Respýblıkasynyń Bas memlekettik veterınarııalyq-sanıtarııalyq ınspektory qabyldaıdy.
Qazaqstan Respýblıkasynyń Bas memlekettik veterınarııalyq-sanıtarııalyq ınspektory qabyldaıtyn janýarlarǵa jáne adam densaýlyǵyna erekshe qaýip tóndiretin janýarlardy alyp qoıý jáne joıý týraly qaýly ýákiletti organ vedomstvosynyń tıisti aýmaqtyq bólimshesine jáne erekshe qaýipti aýrýmen aýyrǵan janýarlardy alyp qoıýdy jáne joıýdy júzege asyratyn memlekettik veterınarııalyq uıymǵa tıisti sharalar qabyldaý úshin dereý jetkiziledi.
3-2. Janýarlarǵa jáne adam densaýlyǵyna erekshe qaýip tóndiretin janýarlardan alynatyn ónimder men shıkizattardy alyp qoıý jáne joıý týraly qaýlyny veterınarııalyq zerthana saraptamasynyń aktisi negizinde tıisti ákimshilik-aýmaqtyq birliktiń Bas memlekettik veterınarııalyq-sanıtarııalyq ınspektory qabyldaıdy.»;
4-tarmaq mynadaı redaksııada jazylsyn:
«4. Janýarlarǵa jáne adam densaýlyǵyna qaýip tóndiretin janýarlardy, janýarlardan alynatyn ónimder men shıkizattardy mindetti túrde alyp qoıýǵa jáne joıýǵa baılanysty máselelerdi sheshý úshin osy Erejeniń 3-1 jáne (nemese) 3-2-tarmaqtaryna sáıkes qabyldanǵan qaýlylar negizinde veterınarııa salasyndaǵy ýákiletti memlekettik organ vedomstvosynyń tıisti aýdandyq (qalalyq) aýmaqtyq bólimshesiniń buıryǵymen jergilikti atqarýshy organdardyń, memlekettik sanıtarııalyq-epıdemıologııalyq qyzmet organynyń, memlekettik veterınarııalyq uıymnyń ókilderinen, tıisti aýmaqtyń memlekettik veterınarııalyq-sanıtarııalyq ınspektorynan turatyn komıssııa qurylady.»;
2) kórsetilgen qaýlymen bekitilgen Aldyn alýy, dıagnostıkasy jáne joıylýy bıýdjet qarajaty esebinen júzege asyrylatyn janýarlardyń erekshe qaýipti aýrýlarynyń tizbesinde:
birinshi abzas mynadaı redaksııada jazylsyn:
«Janýarlardyń birneshe túrine ortaq aýrýlar - qutyrý, brýsellez, Aýeskı aýrýy, leıkoz, leptospıroz, lısterıoz, pasterellez, topalań (teri shıkizatynyń askolızasııasynan basqa), týberkýlez, aýsyl, kúl, ekınokokkoz, paratýberkýlez, toksoplazmoz, trıhofıtııa, rıkketsıozdar, týlıaremııa, aýyz ýylýy (ekzotıkalyq aýrý), Shmallenberg aýrýy jáne basqa ekzotıkalyq aýrýlar.».
2. Osy qaýly qol qoıylǵan kúninen bastap qoldanysqa engiziledi jáne resmı jarııalanýǵa tıis.
Qazaqstan Respýblıkasynyń Premer-Mınıstri
S.AHMETOV.