Ǵylymı jarııalanymdarǵa talap kúsheıedi

Qysqa qaıyrǵanda, sala basshysy UǴK jumysyn jańǵyrtý, ǵylymdy mem­lekettik qarjylandyrýdyń tıim­diligin arttyrý, memleketten tys qarjylandyrý úshin ǵylymnyń tartymdylyǵyn arttyrý, ǵylymı kadrlardy daıarlaý sapasyn túbegeıli arttyrý syndy negizgi baǵyttardy jetildirý keregin jetkizgen-di. Iаǵnı, UǴK quramyn qalyptastyrý prosesi túbegeıli qaıta qaraldy, onyń múshelerine qoıylatyn talaptar da qatańdatyldy. Budan bylaı kandıdattardy UǴK quramyna iriktegen kezdegi basty talap – ǵylymı jarııalanymdary­nyń sapaly bolýy. Sonymen birge UǴK qyzmetiniń ashyqtyǵy úshin naqty krı­terııleri bar jáne upaı qoıylatyn ashyq daýys berý engizildi. Buǵan deıin ǵylymǵa arnalǵan konkýrstar 3 jylda bir ret ótkizilse, endi konkýrstar jyl saıyn ótkizilip, jobalardy iske asyrý merzimi 3 jyl bolmaq.

Mınıstr ǵylymdy damytý týraly jazbasynyń jalǵasynda ǵylymı kadrlardy daıarlaýdy jetildirý jáne akademııalyq ortany jaqsartý jónindegi keıbir sharalarǵa toqtaldy. Vedomstvo basshysynyń jazýynsha, birinshi­­den, ǵylymı qyzmettiń negizgi nátıje­lerin jarııalaý úshin Bilim jáne ǵylym salasyndaǵy baqylaý komıteti usyn­ǵan ǵylymı basylymdardyń tizbesine kon­tent­tiń joǵary sapasyn qamtamasyz ete almaıtyn belgili bir ólshemder boıynsha iriktelgen 177 otandyq basylym kiredi. «Osyǵan baılanys­ty, biz Scopus jáne Web of Science sııaqty derekter qorynyń talaptaryna sáıkes osy jýrnaldarǵa qoıyla­tyn talaptary­myzdy beıimdeý boıynsha jumysty bas­tadyq. Bul mysaly, qosar­lanǵan jasyryn resenzııa­laý, anyq redaksııalyq saıasat, qabyl­danǵan maqalalardyń jýrnaldyń taqy­ryp­tyq baǵytyna sáıkestigi, sheteld­ik resenzentter, barlyq jarııalaý úr­disiniń transparenttiligi, kúshti re­dak­sııalyq alqa, avtorlyq quqyqty qorǵaý jáne t.b. Osy talaptar 1-1,5 jyl ishinde kezeń-kezeńmen osy tizbege kire­tin bar­lyq otandyq ǵylymı jýrnal­darǵa qoldanylady. Osy oraıda basylym­dardyń sany qysqarady dep kútilýde, sapaly kontent úshin básekelestik artady jáne bul jalpy alǵanda, halyqara­lyq deńgeı­degi ǵylymı basylymdardy shy­ǵarýdyń kásibı akademııalyq máde­nıetin qalyptastyrýǵa qyzmet etedi» deıdi A.Aımaǵambetov.

Ekinshiden, mınıstrlik Scopus jáne Web of Science halyqaralyq bazalary­nyń qataryna enýi tıis birqatar ǵylymı jýrnaldardy qarjylyq qoldaýǵa konkýrs jarııalaýdy josparlap otyr. Úshinshiden, mınıstrlik suranysqa ıe emes «álsiz» jýrnaldarda maqalalardyń kóp jarııalanýyna qaraǵanda, bedeldi jýrnaldarda sapaly jarııalanymdar­dyń az shyqqany jaqsyraq degen usta­nym­da. Degenmen, bar erekshelikti es­kere otyryp, áleýmettik-gý­manıtar­lyq ǵylymdardyń damý deń­geıine sáı­kes keletin gýmanıtarlyq jáne áleý­met­tik mamandyqtar úshin jekelegen talap­tar qalyptastyrylatyn bolady. Tórtinshiden, Dıssertasııalyq keńes týraly úlgilik erejege Dıssertasııalyq keńes múshelerine qoıylatyn talaptardy arttyrý jónindegi jańa norma engiziledi. Keńes músheleriniń keminde 2/3 bóliginde Hırsh ındeksi men resenzııalanatyn halyq­­aralyq ǵylymı jýrnaldarda ke­min­de 3 jarııalanym bolýy tıis. Áleý­met­tik-gýmanıtarlyq baǵyttar úshin bul kór­­se­tkishter tómen bolady. Sondaı-aq ma­gıstr­lik jáne dok­torlyq dıssertasııa­lar jetek­shi­lerine qoıylatyn talaptar da ózgeredi. Máselen, doktoranttan be­deld­i jýrnaldarda jarııalanym talap etilse, onda ǵylymı jetekshiniń de osyndaı jar­ııa­lanymdary bolýy tıis. Qazirgi ýaqyt­ta is júzinde tıisti talaptar joq. Mınıstr­diń jazýynsha, akademııalyq adal­dyqty damytý, joǵary oqý ornynan keıingi bilim berý baǵdarlamalarynyń mazmu­nyn jańǵyrtý, magıstratýra men dokto­rantýraǵa qabyldaý, postdoktorantýra ınstıtýtyn damytý jáne t.b. máseleler aldaǵy ýaqytta jarııalanatyn bolady.