Qoǵamdyq oryndarda qylmystardyń aldyn alý jáne olardy boldyrmaý maqsatynda, Mańǵystaý oblysy polısııa departamenti Jergilikti polısııa qyzmet basqarmasy men Kúzet qyzmetteriniń jumysyn baqylaý bóliminiń qyzmetkerleri Aqtaý qalasyndaǵy kúzet mekemelerimen kezdesý uıymdastyryp, ótkizdi. Bul týraly Mańǵystaý oblysy Polısııa departamenti baspasóz qyzmeti habaraldy.
Atalǵan kezdesý barysynda Qazaqstan Respýblıkasy IIM-niń Urlyqqa qarsy is-qımyl jónindegi 2019-2020 jyldarǵa arnalǵan josparynda kózdelgen kópqabatty, jeke turǵyn úılerdiń, saýda úıleriniń jáne kóńil-kóterý oryndarynyń ıelerimen beınekameralar ornatý jáne kúzet uıymdaryna qosylý múmkindigin qarastyrý týraly máseleler qaraldy.
Sondaı-aq jeke kúzet uıymdarynyń qyzmetkerleri tarapynan ákimshilik nemese qylmystyq quqyq buzýshylyqtardy anyqtaý boıynsha kún saıyn esepter júrgizip, anyqtalǵan qylmystyq quqyq buzýshylyqtyń árbir faktisi boıynsha Polısııa departamenti Jergilikti polısııa qyzmet basqarmasyna tıisti qujattar joldanǵan jaǵdaıda, azamattardyń qylmysty ashýǵa yntasyn kótermeleý úshin, Komıssııa sheshimimen 26510 teńge (10 AEK) mólsherinde marapattalatyny aıtyldy.