MÁMS: atqaryldy kóp is

Jalpy, mindetti áleýmettik medı­sı­nalyq saqtandyrý tizim­ine engen 1 183 425 adam min­det­ti tólemnen bosatylǵan áleý­­­mettik sanatqa jatsa, 474 514 adam jaldamaly jumys­shy­­lar qataryna kiredi. Al MÁMS baǵdarlamasyna qaty­sýshylardyń taǵy bir qalyń sho­ǵyryn jeke kásipkerler men kelisimshart negizinde jumys isteıtin tulǵalar quraıdy. Olardyń sany – 50 088 adam. Sondaı-aq biryńǵaı jıyntyq tólem júıesi boıynsha jarna aýdarǵandar sany da 30 652 adam shamasynda. Al oblys kóleminde MÁMS baǵdarlamasyna qosyl­maǵan 26 650 adam qalyp otyr.

Jańa júıe boıynsha júrgizi­letin jumys aıasynda oblys­ta medısına mekemelerin oń­taılandyrý aıaqtaldy. Bul úrdis buǵan deıin memlekettik qa­zynalyq kásiporyny nysanynda qyzmet kórsetip kelgen aýrýhanalardy sharýashylyq júrgizý quqyǵyndaǵy kásiporyndarǵa aınaldyrý men turǵyn sany az eldi mekenderdegi emdeý oryndaryn aýdandyq deńgeıdegi emhanalarǵa qosý joly arqyly júzege asqan. Atap aıtqanda, endi Taldyqorǵan qalasynda jáne Talǵar qalasynda  eki iri narkologııalyq dıspanser birik­tirilip, bir ortalyqtan bas­­qarylatyn bolsa, osy eki qa­ladaǵy týberkýlezge qar­sy kúres dıspanserleri de ońtaı­landyrý jolymen qosyldy. Al buǵan deıin jeke emdeý me­kemesi bolyp kelgen Qaske­leń qalasynyń juqpaly aýrýlar aýrýhanasy Qarasaı aýdanynyń ortalyq aýrýhanasyna berilse, Jarkent qalasy men Esik qalasyndaǵy perzenthanalar da aýdandyq aýrýhanaǵa baǵynyshty boldy.

Buǵan qosa oblystaǵy tósek sany 29 orynǵa jetpeıtin barlyq aýyldyq aýrý­hanalardyń mártebesi alynyp, aýdandyq aýrýhanalarǵa qosylǵan. Al jalpy sany 237 bolatyn dárigerlik ambýlatorııanyń jıyrma tórti alǵashqy dárigerlik-sanıtarlyq kómek kórsetý ortalyqtary bolyp qaıta qurylsa, turǵyn sany 1 500 adamnan asqan eldi mekenderdegi 49 feldsher-akýsher pýnkti men 13  medısına pýnkti dárigerlik ambýlatorııaǵa aınalǵan eken.

Sondaı-aq aımaqtyń medısı­na me­ke­meleri «Sagtandyry» ortalyq­tan­dyrylǵan júıesine qosylyp jatyr. Jaqyn kúnderi bul jumys aıaqtalady. Osy júıe «Mindetti áleýmettik me­dısınalyq saqtandyrý» qo­ry boıynsha júzege asatyn qar­jylyq tólemderdi naqty ári qysqa merzimde tóleý úshin qol­danylmaq. Búginde bul mindet te to­lyqtaı oryndaldy deýge bolady. Atap aıtqanda, oblystyq, aýdandyq deńgeıdegi mekemelerdiń ınternetpen qamtylýy 100 paıyzǵa jetken. Al shalǵaı aýyldardaǵy emhanalardyń ǵalamtor jelisine qosylýy  Astel jer serigi arqy­ly júzege asyp jatyr. Qazir aýyldyq aımaqtaǵy 588 medısına mekemesiniń tórt júz alpys birinde joǵary jyldamdyqty ınternet istep tur. Qalǵan mekemelerdi qamtý aqpan aıynda tolyq aıaqtalmaq.

– Oblysta mindetti áleýmet­tik medı­sınalyq saqtandyrý júıe­sine qosylý bo­ıynsha aı­tarlyqtaı jumys isteldi. Ási­rese, tehnıkalyq daıyndyq sha­rasyna kóp kó­ńil bóldik. Bul úshin aımaqtaǵy medısına mekemelerin jańa úlgidegi keń­se tehnıkasymen qamtý kún tártibine shyqty. Qazir osy mindetti tolyq atqardyq. Jer­gilikti bıýdjet qarajaty ese­binen 952 kompıýter satyp alyndy. Oǵan 112 mln teńge qar­jy jumsaldy. Sol arqyly em­hanalardaǵy tehnıkalyq qol­daý 100 paıyzǵa jetti, deıdi oblystyq densaýlyq saq­taý basqarmasynyń basshysy Baýyrjan Ysqaq.

Almaty oblysy