Mıllıonnan astam adam Ulttyq basketbol qaýymdastyǵynyń (NBA) jańa resmı logotıpine Kobı Braıanttyń beınesin qoldaný týraly petısııa jarııalady.
Basketbol tarıhyndaǵy ataqty oıynshylardyń biri Kobı Braıant jeksenbi kúni Kalıfornııada tikushaq apatynda qaza tapty.
Apatta basketbolshymen 13 jasar qyzy Djıanna men ózge de jolaýshylar bolǵan.
Qaýymdastyqtyń qazirgi logotıpiniń avtory - Alan Sıgel. 1971 jyly ázirlengen resmı logotıpte 82 jastaǵy Leıkers oıynshysy Djerrı Ýest beınelegen.
Petısııaǵa qoldaý bildirýshiler Kobı Braıant beınelengen logotıppen áleýmettik jelidegi paraqshalarynda bólisýde.
Ulttyq basketbol qaýymdastyǵynyń (NBA) bul usynysqa qalaı qaraıtyny týraly málimdeme áli jasalǵan joq.