Taraz qalasyndaǵy «Astana» móltekaýdanynda ornalasqan №53 mektepte qala ákimi Aıtqazy Qarabalaev ótken jyldy qorytyndylap, esep berdi. Kezdesý barysynda ákim ótken jyly kóne shahardyń túrlengenin, birqatar nysandar salynyp, el ıgiligine berilgenin atap ótti.
Tarazdyq turǵyndardy shaharda bastaý alǵan tyń bastamalarǵa qoldaý bildirýge shaqyrdy. Sonymen qatar, Jambyl oblysynyń ákimi Asqar Myrzahmetovtiń bastamasymen salynyp, paıdalanýǵa berilip jatqan páterler men jataqhanalarǵa da erekshe toqtaldy.
Alaıda Tarazda tyndyrymdy tirlikter kóp bolǵanymen, máseleleri de barshylyq. Taraz qalasynyń turǵyndary Aıtqazy Qarabalaevqa saýaldaryn joldap, jer teliminiń, turǵyn úı kezeginiń alǵa jyljymaıtynyn aıtty. Sondaı-aq turǵyndar turǵyn alqaptardaǵy jol, jaıaý júrginshiler joly, ol jerlerge jol belgilerin ornatý, qoǵamdyq kólik qatynasy, balalardyń sport alańshalarynyń qurylysy jáne aryqtardy aǵyn sýmen toltyrý máselelerin de kóterdi. Qala ákimi Aıtqazy Qarabalaev bul máselelerdiń aldaǵy ýaqyttarda kezeń-kezeńimen sheshimin tabatynyn, birinshi kezekte qalaǵa qosylǵan «Shóldala» aýmaǵynda ornalasqan 28 saıajaıdaǵy turǵyndardyń turmystyq-áleýmettik máselelerine basymdyq beriletinin jetkizdi.
Jambyl oblysy